за

Mercedes S-Class над светот на бројките и стандардите

„Најдоброто или ништо“, мотото на Готлиб Дајмлер старо над еден век, доживеа ера во којашто големината на автомобилот не се искажува во бројки. Кусо, човек треба да се најде покрај S-Class.

mercedes s-class w 223 mak autostar 1

Mercedes-Benz S-Class од генерацијата W 223 пристигна на македонскиот пазар, неколку лимузини кусо беа изложени во салонот на Мак Аутостар. Впечатоците се спектакуларни, овој автомобил се доживува сосем поразлично од сé пред него што полагало право да се нарече најдобар автомобил во светот.

Еповите и сличните воспевања на тема Mercedes S-Class веќе одамна здодеаја. Овојпат едно приземно разгледување на понудата во S-Class, лимузината што кусо пред викендот се појави во салонот на увозникот Мак Аутостар. Како и досега, лимузината од генерацијата W223 е достапна во стандардна и продолжена каросериска изведба. Во поглед на моторите, на располагање стојат строго шестцилиндарски мотори во линија, бензински и дизели, со работна зафатнина од три литри. Таму каде што ознаките укажуваат дека би требало да работи V8 (во S 450 и S 500) во оваа одамна започната ера на електрификација, на шестцилиндарците им асистира електромотор со моќност од 16 kW (22 КС), во функција на благ хибриден погон. Менувачот во целата гама е 9-степен автоматик G-Tronic.

Понудата почнува со S 350 d, со моќност од 286 КС и 600 њутнметри, со спринт до темпо сто за 6,4 секунди. Тоа е воедно и единствената моделска изведба што се нуди во верзија само со заден погон. Во сите модели е стандард погон на сите тркала 4Matic. Моторот во S 400 d постигнува моќност од 330 КС и вртежен момент од 700 њутнметри. Бензинските S 450 и S 500 се изведени како благ хибрид, со стартер алтернатор, и постигнуваат моќност од 367 КС, односно 435 КС.

New photo by Automedia MK / Google Photos

Секој S-Class излегува од фабрика со алу-тркала од најмалку 18 инчи, со светла Multibeam LED и со задни диодни светла, со автоматска заштита од заслепување на трите ретровизори и со проекција на логото на Mercedes покрај возилото при отклучување. S 500 дополнително располага со безбедносни стакла со топлинска, звучна и инфрацрвена заштита.

Серво затворање на вратите веќе е стандард во Mercedes S-Class, исто како и голема армада од системи за асистенција

Возачот добива дигитални инструменти од 12,3 инчи и средишен дисплеј од 12,8 инчи со OLED-техника. На тоа следат уште премиум навигација, термотроник, систем за олеснување на пристапот на возачот, меморискаи пакет со скенер за отпечатон на прст, греење на седиштата, напа кожа на воланот, украсно панели од природно дрво со отворени пори, штоф со врвен квалитет на таванот, безжично полнење на телефон, 4 приклучоци USB-C, комуникациски модул LTE за пристап до Mercedes me connect, озвучување со девет звучници, серво-затворање на вратите, систем за паркирање и камера за рикверц. Од „хардверот“ следат пневматска амортизација Airmatic, избор на програми Dynamic Select, камера за знаци и вистински изобилство од системи за асистенција.

New photo by Automedia MK / Google Photos

Стандардно за Mercedes, на располагање стојат пакети AMG Line за каросерија и за кабина, исто како и пакети Night и Exclusiv. Во понудата од дополнителна опрема се издвојува опцијата за задни седишта од прва класа, со којашто возилото буквално се претвора во канцеларија, од грејачи за кафе, до преклопливи масички по пример на прва класа во авион. Систем за јонизација на воздухот стои на располагање како опција, исто како и втор клима уред за назад или ладилник од десет литри.

За екстра безбедност може да се доплати за прочуените ремени со воздушна перница назад, иако целата армада од системи за асистенција се грижи за возењето да биде безбедно, со приспособлив темпомат, задржување во лента и предупредување при возило во мртов агол. Опција претставува и систем за ракување преку гестикулација.

New photo by Automedia MK / Google Photos

Од врвната технологија на дело може да се обезбеди и проекциски дисплеј со унапредена реалност (Augmented Reality Head-Up-Display), кој на листата на опции во германскиот ценовник стои со 3.468 евра. Врвно озвучување од Burmester чини близу 8.000 евра, но затоа има 31 звучници, 1.350 вати и 4D-ефект.

Управување на задната оска, со којашто драстично се скусува кругот на вртење, но и се подобрува стабилноста во свијоци, чини околу 1.500 евра во ценовникот за Германија.

Во средината на следната година се проширува гамата со V8, со хибриди, а кон крајот на 2021 следи и електричниот знаменосец EQS

Уште многу работи треба да се случат во S-Class, почнувајќи од воведување мотори V8 и верзии со приклучен хибриден погон и досег на струја до 100 километри, до целосно електричен EQS кон крајот на следната година. Секако и од AMG се очекува да го каже својот збор.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

>>> Со Славче Таневски за новиот Mercedes S-Class и за идните новини

Славче Таневски Mercedes

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mini Coumtryman Boardwalk

Mini Countryman со екстра изглед и во ограничена серија

Со Mini Countryman на пат по најдобрата новогодишна елка

Со Mini Countryman на пат по најдобрата новогодишна елка