за

Mini Countryman со екстра изглед и во ограничена серија

Британскиот мини-специјалист ја подготви ограничената серија Boardwalk од својот СУВ, што дополнително го нагласува стилот.

Mini Coumtryman Boardwalk

На Mini Countryman подеднакво му е местото во град и во дивина. Мајсторија на дизајнерите на британската марка е во тоа што нивниот СУВ изгледа соодветно каде и да се појави. Сега Mini додава уште толку стил, со специјалната серија Mini Countryman Boardwalk.

Главното обележје на посебната серија Mini Countryman Boardwalk е во каросеријата лакирана во боја Deep Laguna. Бројни каросериски додатоци и детали во кабината го нагласуваат премиум карактерот на марката, како дел од групацијата BMW. Темно сината боја е развиена посебно за Mini Convertible Sidewalk, како специјална серија на кабриолетот.

Британците со оваа серија практично ја исполија желбата на фановите, впечатливата боја од кабриолетот да биде достапна и за Countryman. За контраст, покривот и капите на ретровизорите се бојадисани црно.

Самото име на серијата потсеќа на шеталиштата во традиционалните крајбрежни ресорти во островската држава. Тие шеталишта што неретко се долги и повеќе километри, порано беа омилено место за големи културни собири. Дрвената подлога на шеталиштата послужи како инспирација за амблемот на новата серија.

New photo by Automedia MK / Google Photos

Припадноста на моделот во специјалната серија Boardwalk се препознава и по посебниот натпис на стилските елементи во крилата, што традиционално се водат како Side Scuttles. Графиката и логото се користат на повеќе места во возилото.

Mini Countryman Boardwalk е достапен во три моделски изведби, како Cooper со 1,5-литарски турбо-бензинец со 136 КС, потоа како Cooper S со дволитарец со 178 КС и во топ-верзијата Cooper S со погон на сите тркала All4. Опција во првите две изведби е 7-степен менувач со двојна спојка Steptronic, додека All4 стандардно поседува 8-степен Steptronic.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

>>> Електрично Mini пишува автомобилска историја во Македонија (1. дел)

>>> Mini што вози 200 km на струја и неколку километри на бензин

Mini Cooper S E Countryman 4All eko-predizvik Markov manastir

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

mercedes benz камион татарстан kamaz

Рускиот Kamaz произведе 25.000 камиони Mercedes-Benz

mercedes s-class w 223 mak autostar 1

Mercedes S-Class над светот на бројките и стандардите