за

Расте продажбата на Mercedes-Benz

Mercedes-Benz во третиот квартал ја зголемил продажбата за 21 процент, благодарение на високата побарувачка.

Во еден од најтешките периоди за секаков вид бизнис, Mercedes-Benz во периодот од јули до септември испорача 517.800 возила, подобрувајќи го резултатот за 21 процент во споредба со лани. Доколку немаше криза и со полупроводниците, продажбата веројатно ќе напредуваше уште повеќе.

Третиот квартал му донесе највисока продажба на Mercedes-Benz годинава, со 517.800 испорачани патнички автомобили (+21%). Тоа се случува во време кога трансформацијата на марката е во полн ек, во насока на електричните возила. Меѓу јули и септември се продадени 30.000 чисто електрични возила. Тоа е за 28% повеќе отколку во вториот квартал и за 115% е повеќе во споредба со истиот период лани.

Вкупно во првите девет месеци од 2022 година се продадени двојно повеќе чисто електрични возила (75.400, +126%). Во септември дури беше постигнат историски рекорд, со 13.100 испорачани автомобили чисто на струја. Заслугата за тоа ја има EQB, со 3.400 примероци, како и EQE што неодамна стартуваше со продажба во Кина и во минатиот месец постигна повеќе од 2.000 продажби.

На ниво на квартал, исто така брилјира електричниот знаменосец EQS, со 5.400 продадени примероци, што е најдобро тромесечје досега. Во меѓувреме, во САД почна производството на EQS SUV, своевидна гордост и на Македонија, по дизајнерот на Mercedes-Benz Cars, Славче Таневски. Таму веќе стартуваа испораките на луксузниот модел на струја.

Батериските електрични модели и приклучните хибриди (Mercedes ги води како xEV) во третиот квартал постигнале вкупно 75.900 продажби (+23%). Уделот на овие возила во вкупната продажба изнесува 15 проценти. До септември се испорачани 215.400 xEV-возила (+17%).

Со EQS SUV и со EQE SUV, којшто на 16-ти октомври ќе ја има својата премиера во Париз, нашите клиенти можат да изберат целосно електрично возило во секлој од сегментите што ги покрива Mercedes-Benz. На нашите клиенти им нудиме избор од вкупно осум целосно електрични модели на Mercedes-Benz – повеќе од кој било наш конкурент.

Брита Зегер, членка на одборот на Mercedes-Benz Group AG, одговорна за продажбата на Mercedes-Benz Cars

Продажба по сегментите на Mercedes-Benz

Top-End Luxury

Продажбата на најлуксузните модели во третиот квартал достигна 77.500 возила (-1%), за осум проценти повеќе отколку во вториот квартал. Главен носител на продажбата е Mercedes-Maybach со 5.200 возила (+3%) во третиот квартал и 15.500 возила (+43%) годинава. Порасна и продажбата на S-Klasse во сите региони, со исклучок на САД. Во светски рамки, до септември се продадени 21.400 примероци (-18%) од S-Klasse. Најдобар квартал досега има и EQS, со 5.400 возила. Од новиот AMG SL (исто така дизајн на Славче Таневски) во третиот квартал се испорачани повеќе од 1.800 возила во Европоа и САД.

Core Luxury

Во третиот квартал се продадени 277.000 возила (+36%). Најпродавани се C-Klasse (+55%) и E-Klasse (+25%). Насловот на најпродаван модел на Mercedes-Benz го одбрани GLC (88.700 возила, +49%), иако во меѓувреме се случи генерациска смена. Новиот EQE стартуваше во Кина, а во третиот квартал постигна 3.500 продажби ширум светот.

Entry Luxury

mercedes glb
mercedes glb

Во сегментот на A-Class исто така има раст во продабата, со 148.400 возила (+6%). Двојно е зголемен уделот на чисто електричните модели, во споредба со лани. EQB брилјира со повеќе од 3.400 примероци во септември. A-Klasse (-3%) и B-Klasse (-8%) претрпеа пад во продажбата, поради кусокот од полупроводници. GLB во последниот квартал се продаде во 36.900 примероци (+11%), што е досега најдобар резултат, поттикнат главно од проджбата во Кина (17.000 примероци, +33%).

Интервју со Славче Таневски, дизајнер на Mercedes-Benz EQS SUV

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

BMW M2 нов и верен на традицијата

Шпанскиот пазар сака да вози Opel на струја