за

Maybach GLS може чувството на салон да го донесе среде пустина

Кај автомобилите од рамништето на Mercedes-Maybach, клучниот збор е „може“. GLS со знак на Maybach може многу повеќе од сите, но тоа не значи и дека мора.

Во салонот на Мак Аутостар од неделава има уште една ѕвезда од интергалактички профил. На едниот крај на салонот е Mercedes-Maybach S-Class, на спротивниот е уште еден Mercedes-Maybach, но тој е S-Class меѓу G-моделите, значи е GLS.

Колку високо е нивото на луксуз што го нуди Mercedes-Maybach над веќе супервисокото ниво на Mercedes-Benz, обично се осознава кога ќе се отвори врата. GLS под марката што во автомобилскиот свет „тежи“ исто колку поимите ото-мотор, дизел или ванкел, прикажува ниво на луксуз што какво што досега малку е познато. Кога ќе се отворат вратите, од страничните прагови самостојно почнува да се извлекува скалило, за полесно да се пристапи во кабината. Сето тоа се одвива толку тивко и незабележливо, што е спектакуларно.

Дури и кога човек нема да забележи дека „мајбахот“ буквално му подал скалило, тешко дека некој ќе се сопне на пат да се качи во кабината. Тоа е уште една мајсторија на оваа хипер-ексклузивна марка, којашто е сосем извесно дека била предмет на долги студии и тестирања, проектирања, усовршувања и дотерувања. А, тоа е само едно „скалило“, што морало да биде подвижно, затоа што за разлика од останатите автомобили наменети за кал и невреме, на Mercedes-Maybach GLS не би му прилегал стапалник што кај тие автомобили е речиси задолжителен, исто како булбар, кука или рогови.

Тоа што Maybach GLS може да вози низ кал и по карпи многу повешто од кој било теренец, секако не значи и дека ќе вози. Тоа е исто како суперспортски автомобил секаде и секогаш да се вози со 330 километри на час. Таков е светот на луксузот, да имаш повеќе од сé и да имаш сé од тоа што некогаш може да притреба.

New photo by Automedia MK / Google Photos

Овој Maybach што се декларира како 600-ка и познавачите и уживателите на Mercedes ги асоцира на Mercedes 600 Pullman, незначително е поскап од Maybach S 580 за кого што објавивме пред половина месец. Незначително во светот на Maybach значи 8.000 евра. Во ценовникот на Мак Аутостар, Mercedes-Maybach GLS 600 чини 219.990 евра. Тоа би важело во случај кога автомобилот би излегол од фабрика без сопственикот да нарача барем една опција. Таков автомобил веројатно не постои во историјата на Maybach.

Maybach остава на облеката мирис на врвно изработена кожа, исто како парфем на дамата што се сака

За нивото на посебните ставки што се нарачани за овој примерок на Maybach GLS, добра ориентација дава миризбата на кожа со најпрефинета изработка, што се шири низ кабината и на неколку метри околу. Ова е префинет автомобил чијашто миризба со часови по излегувањето од возилото ќе се чувствува на облеката, исто како парфем на дама.

New photo by Automedia MK / Google Photos

За светот на луксузот се знае многу, но и многу не се знае. При посетата на салонот на Mercedes-Benz добивме многу вредно објаснување од човекот кому му е работа да го познава светот на луксузот. Владица Кокаловиќ, директор на маркетинг во Мак Аутостар и директор за продажба на Mitsubishi, открива: „Причината зошто директорите на големите компании седат на задните седишта и ангажираат шофер е да не бидат изложени на одговорност во случај на незгода.“ Тоа е ништо помалку од „отрезнувачко“ изнесување факти од страна на менаџерот што подолго од дваесет години работи во автомобилската бранша и вистински ги познава релациите и последичните врски на сцената.

Тоа секако не значи дека директорите на големите компании им наредуваат на своите шофери да возат најбрзо што може, затоа што тие нема да одговараат, туку многу повеќе може да биде спротивниот случај. Но, сета таа организација на шоферирано возење е само предострожност. Во спротивно, во случај на незгода, компанијата би претрпела силен удар, доколку директорот повеќе не може да ја извршува својата функција.

А, бидејќи фотографиите се вредни илјадници зборови:

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Технички податоци

Mercedes-Maybach GLS 600 4MATIC

Мотор

Број на цилиндри, положба V8, 90°, 4 вентили
Зафатнина cm³ 3.982
Пречник x óд mm 83,0 x 92,0
Моќност kW/КС 410/558 при 6.000-6.500/min
Вртежен момент Nm 730 при 2.500-5.000/min
EQ Boost kW/PS (Nm) 16/22 (250)
Компресија 10,5: 1
Подготовка на смеша Впрскување под висок притисок

Пренос на сила

Погон Постојан на сите тркала
Пренос 9-степен автоматик 9G-TRONIC
Преносни односи Диференцијал

1. степен

2. степен

3. степен

4. степен

5. степен

6. степен

7. степен

8. степен

9. степен

назад

3,27

5,35

3,24

2,25

1,64

1,21

1,00

0,86

0,72

0,60

4,80

Подвозје

Предна оска Двојни попречни водилки, пневматика, едноцевни гасни амортизери, стабилизатор
Задна оска Суспензија со повеќе водилки, пневматика, двоцевни гасни амортизери, стабилизатор
Сопирачки Вентилирани дискови на сите тркала, електрична паркирна сопирачка, ABS, BAS, ESP
Управување Запчеста летва со електрична сервоподдршка
Тркала напред: 9,5Jx22H2. назад: 11,5Jx22H2
Гуми напред: 285/45 R 22. назад: 325/40 R 22

Димензии и тежини

Меѓуоскино растојание mm 3.135
Ширина трага напред / назад mm 1.699/1.723
Должина mm 5.205
Ширина mm 2.030
Висина mm 1.838
Круг на вртење m 12,52
Багажник, VDA l 520
Тежина, EU kg 2.785
Носивост kg 465 (до 575)
Дозволена тежина kg 3.250 (до 3.360)
Резервоар / резерва l 90/9,0

Перформанси и потрошувачка на гориво

0-100 km/h s 4,9
Крајна брзина km/h 250
Потрошувачка, комбинирана l/100 km 12,0-11,7
CO2-емисија, комбинирана g/km 273-266

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

XCeed го донесе новото лого на Kia во Македонија

Новиот Range Rover изгледа салонски, но пак е шампион на теренот