за

Уште еден Mercedes на струја: EQB со германските субвенции e колку дизел GLC

Зошто електричните автомобили успеваат толку добро? Со субвенцијата во висина од 7.500 евра, електричниот Mercedes-Benz EQB во Германија чини помалку од GLC со дизел мотор.

Mercedes-Benz од денес прима нарачки за најновиот електричен модел во својата понуда и втор модел со погон на струја во гамата компактни модели. Mercedes EQB доаѓа кусо по EQA и исто така вози под знакот на специјализираната подмарка за електрични автомoбили Mercedes-EQ.

Ценовникот што Mercedes-Benz го објави денес за германскиот пазар го вклучува електричниот СУВ од компакт-класата EQB, со цена за основниот модел од 55.311,20 евра. Бидејќи Германија веќе со години го поттикнува преоѓањето на електричен погон, за новиот Mercedes EQB следи субвенција во висина од вкупно 7.500 евра. Бидејќи моделот спаѓа во ценовната категорија над 40.000 евра, субвенцијата за него не изнесува 9.000 евра, туку 7.500 евра. Во таа сума, производителот учествува со 2.500 евра, и таа автоматски се одбива при купувањето на возилото, додека за „државните“ 5.000 евра се поднесува барање, што е сосем извесно дека ќе се добие, затоа што таму не функционира принципот прв дојден-прв услужен.

Според тоа, кога од нето цената ќе се одбие германското ДДВ во висина од 19 проценти и кога од таа сума ќе се одземат 7.500 евра, па потоа ќе се оданочи возилото, се добива цена од 46.386,20 евра. Германските возачки и возачи, електричниот Mercedes со субвенцијата го купуваат 8.925 евра поевтино отколку без неа.

Долгиот СУВ со техника што се базира врз A-Class и стилски цитати од G-Class, може да се нарача и во изведба со седум седишта. Доплатата за тоа во Германија изнесува 1.416,10 евра.

New item by Automedia MK / Google Photos

Понудата од моделски изведби ја сочинуваат EQB 300 4MATIC со 168 kW (228 КС) и EQB 350 4MATIC со 215 kW (292 КС). Посилната изведба во Германија стартува од 57.988,70 евра, без пресметана субвенција. Со купувањето на возилото следува едногодишна претплата на услугата Mercedes me Charge, за пристап до полначите за коишто производителот плаќа право на користење. Мрежата опфаќа повеќе од 600.000 полначи ширум светот.

New item by Automedia MK / Google Photos

Вообичаено за Mercedes, при пазарниот старт на новиот модел ќе биде достапна специјална серија Edition 1 (доплата 8.520,40 евра). Возилата од оваа лимитирана серија располагаат со Night-пакет со стилски елементи на AMG, вклучувајќи и тркала од 20 инчи од AMG, но и кожени седишта.

Основни податоци за Mercedes EQB

    EQB 300 4MATIC EQB 350 4MATIC
Погон   На сите тркала
Електромотор напред / назад Тип Асинхронен мотор (ASM)/ Синхронен мотор со постојана побуда (PSM)
Моќност (max) kW 168 215
Вртежен момент (max) Nm 390 520
0-100 km/h s 8,0 6,2
Брзина km/h 160
Капацитет на батерија (NEDC) kWh 66,5
Потрошувачка просек (NEDC) kWh/100 km 16,2 16,2
Потрошувачка просек (WLTP) kWh/100 km 19,4-18,1 19,4-18,1
Цена, Германија евра 55.311,20 57.988,70

>>>Mercedes EQB е електричен СУВ за големи семејства

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Škoda осумпати најдобра за читателите на Auto Zeitung

Porsche со пет светски премиери на салонот во Лос Анџелес