за

Недостигот од чипови се чувствува и во фабриките на Mercedes

Светскиот недостиг од полупроводници, по фабриките на Mercedes во Бремен и Раштат, сега ја погоди и фабриката во Зингелфинген, Штутгарт.

Тесното грло во испораката на електронски делови во светски рамки, предизвика дури и Daimler во својата фабрика во Зинделфинген привремено да го прекине производството. Локалните медиуми пишуваат дека станува збор за Mercedes E-Class.

Според објавите на германските медиуми, производството на Mercedes E-Class било ставено во мирување уште во понеделникот. Паузата ќе трае до 14-ти мај. Од Daimler досега нема пристигнато официјален став околу информацијата дека мирува производството на E-Class. Од концернот соопштиле дека „во неколку соодветни подрачја, фабриката Зинделфинген го приспособува производството во календарските недели 18 и 19“. Дел од вработените во овој период ќе бидат на привремен одмор.

Mercedes E-Class со децении беше најпродавана моделска серија на марката и нормално е дека важи како еден од носечките столбови на истата. Во Зинделфинген работат 24.000 лица, главно во производството на E-Class, на знаменосецот S-Class и на новиот знаменосец со електричен погон EQS. Високата флексибилност во работата на фабриката, дозволува прекините во производството што се предизвикани од тековниот проблем со испорака на полупроводници, да траат релативно кусо.

mercedes s-class w 223 салон мак аутостар

Daimler става приоритет на електричните модели. Поради тоа, во фабриката продолжува производството на електричниот крстосувач EQS, но и на скапите модели од S-Class и од S-Class Maybach, на коишто се постигнува повисока заработка.

Целата бранша стравува дека проблемот со полупроводниците ќе има уште посилно влинание врз производството на автомобили во следните месеци. Mercedes S-Class засега останува поштеден од проблемот.

>>> Недостигот од чипови може да прерасне во долготрајна криза

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Милијардерот Строл го обезбеди производството на Aston Martin DBX

Aston Martin успеа да ја смали загубата во првиот квартал

Новото Volkswagen Polo GTI ги загрева гумите за старт