Марка со богата историја и со бројни заслуги на автомобилската сцена, често има и поводи за прославување. Неколку годишнини на прочуени моделски серии на Mercedes-Benz, вклучувајќи ги секако и бројните успеси во мотоспортот, во текот на 2023 година ќе нé потсетуваат на изминатите времиња.
На 20-ти јануари 1983 (пред 40 години): Џеки Икс и Крод Брасер победуваат на рели Париз-Дакар со Mercedes-Benz 280 GE.
На 26-ти јануари 1963 (пред 60 години): Тимот Еви Росквист/Урсула Вирт победува со рели автомобил Mercedes-Benz 220 SE во дамска коннкуренција на релито Монте Карло.
Јануари 1938 (пред 85 години): Светски рекорд на Рудолф Карачиола на автопатот Франкфурт-Дармштат со 432,7 km/h. Рекордот останува 79 години.
Февруари 1998 (пред 25 години): Од монтажната лента заминуваат првите примероци од A-Class што стандардно се опремени со систем ESP.
Февруари 1928 (пред 95 години): Во Штутгарт е роден Ханс Херман. Тој во 1950-те години е фабрички возач при враќањето на Mercedes-Benz во мотоспортот.
На 14-ти март 1993 (пред 30 години): Специјалниот модел Mercedes-Benz 500 GE V8 слави премиера на салонот во Женева – тоа е најава за идните модели на G-Class со мотор V8.
На 15-ти март 1998 (пред 25 години): CLK Cabriolet (серија 208) и E 55 AMG T-Modell (серија 210) се два новитети од салонот во Женева.
На 24-ти март 1963 (пред 60 години): Mercedes-Benz го претставува 230 SL (W 113). „Пагодата“ е прв спортски автомобил во светот, со безбедносна каросерија.
Од мај до 31-ви октомври 1893 (пред 130 години): Друштвото за мотори Дајмлер (Daimler-Motoren-Gesellschaft) на светската изложба во Чикаго го претставува првиот автомобил во возна состојба во САД.
Мај 1993 (пред 30 години): Претставување на првата Mercedes-Benz C-Class (серија 202). Со неа почува и новото означување на сите моделски серии.
Јули 1903 (пред 120 години): Победа на Камил Јенаци на трката Гордон-Бенет со приватен Mercedes-Simplex 60 PS – како замена за изгорениот нов фабрички тркалчки автомобил со 90 КС.
На 21-ви август 1983 (пред 40 години): Mercedes-Benz 190 E 2.3-16 (W 201) поставува три светски рекорди и девет рекорди во класа, на патеката во Нардо.
На 31-ви август 1963 (пред 60 години): На релито Спа-Софија-Литих победуваат Еуген Берингер и Клаус Кајзер со Mercedes-Benz 230 SL (W 113).
Септември 1953 (пред 70 години): Mercedes-Benz одржува презентација за новинари на типот 180 (W 120). „Понтонската“ лимузина е значајна нова конструкција во повоените години.
Септември 1923 (пред 100 години): Тркачкото возило Benz Tropfen (капка), прв натпреварувачки автомобил на светот со средишен мотор, постигнува успеси на Монца.
На 19-ти септември 1993 (пред 30 години): C 36 AMG, E 36 AMG, E 60 AMG ои SL 60 AMG се новитетите на меѓународната автомобилска изложба (IAA) во Франкфурт на Мајна.
На 21-ви септември 2003 (пред 20 години): Суперспортскиот автомобил SLR McLaren (серија 199) и студијата Vision CLS се две големи премиери на ИАА.
Септември 1898 (пред 125 години): Испорачан е Daimler „Phönix-Wagen“ со 2,1-литарски мотор со моќност од 5,9 kW (8 КС). Тоа е прв автомобил во светот со четирицилиндарски мотор.
На 22-ри септември 1963 (пред 60 години): Mercedes-Benz 600 (W 100) е новина што предизвикува сензација на салонот ИАА во Франкфурт на Мајна.
На 11-ти октомври 1998 (пред 25 години): Mercedes-Benz S-Klasse од серијата 220 доживува светска премиера на салонот во Париз.
На 14-ти октомври 1928 (пред 95 години): Mercedes-Benz 18/80 PS Typ Nürburg 460 (W 02) е прв патнички автомобил на марката со осумцилиндарски линиски мотор. Светска премиера во Париз.
Ноември 1998 (пред 25 години): Со победата во Сузука, Мика Хакинен станува светски првак во Формула 1. Титулата на конструктори му припаѓа на тимот West McLaren-Mercedes.
Ноември 1968 (пред 55 години): Mercedes-Benz во Хокенхајм ги претставува купеата од серијата 114 („Strich-Acht“ – црта осум).
Декември 1913 (пред 110 години): Со модифицирана изведба на „Blitzen-Benz“, Ел Џи „Кјупид“ Хорнстед поставува два светски рекорди на Бруклендс.
Декември 1953 (пред 70 години): Mercedes-Benz 220 Coupé (W 187) влегува во продажба и со тоа ја почнува традицијата на купеа од високата класа на марката.