Мерцедес-Бенц е на местото што му припаѓа отсекогаш. Откако организацијата Еуро НКАП, што поттикнува постојан напредок во безбедноста, претходно соопшти дека новиот ЦЛА постигнал најдобри резултати од сите автомобили на краш-тестовите лани, директорите во Штутгарт потсетија дека и во 2024 година, на германската марка ѝ припадна врвното место во поглед на безбедноста, со новата Е-Класа.
Марката со сребрената ѕвезда истражуваше на полето на безбедноста уште во 1950-те години и ги постави мерилата што во основа важат до денес, со првата серија краш-тестови во 1959 година, со генерацијата В 111, тогашна С-Класа. И тоа е дел од традициите на Мерцедес-Бенц.
За денешното ниво на безбедноста на Мерцедес-Бенц посведочи конзорциумот Еуро НКАП, најмеродавна и независна институција за ова подрачје, којашто во почетокот на годината соопшти дека новиот ЦЛА, во неговата електрична изведба е најбезбеден од сите автомобили што во 2025 година ја минале строгата серија од најразлични тестови на Еуро НКАП, со најмногу освоени бодови.
Купе-лимузината, што освен во електрична, наскоро ќе почне да се испорачува и во хибридната изведба, постигна врвни резултати во четирите главни категории на тестовите на Еуро НКАП: Во безбедноста на возрасни патници, заштитата на деца во возилото, заштитата на пешаци и велосипедисти, како и во делотворноста на системите за асистенција.
Главниот инженер на Мерцедес-Бенц, Јерг Бурцер, во соопштението по овој повод напомена дека ЦЛА е целосно нова конструкција и поседува безбедносна опрема што е дел од генот на Мерцедес. За освојувањето на насловот за најбезбеден автомобил на тестовите за безбедност лани, Бурцер посочува дека со тоа „повторно се нагласува долгогодишната експертиза и залагањето на Мерцедес-Бенц во безбедноста на возилата.“
Новиот ЦЛА победи поголеми и потешки модели што беа на тест во Еуро НКАП во минатата година
Директорот за безбедност и истражување незгоди во Мерцедес-Бенц АГ, проф. др. Пол Дик, изјави: „Не само што сакаме да ги заштитиме патниците во Мерцедес-Бенц, туку и сите учесници во сообраќајот.“ Според професорот, за тоа придонесе и развојот на најсовремени системи за безбедност и асистенција.
Штугарт уште еднаш потсетува: Мерцедес-Бенц си зема обврска, секогаш да го понуди најбезбедниот автомобил во својата класа
Новите системи за асистенција што се вградуваат стандарно можат да спречат различни сценарија на судури. Доколку судирот е неизбежен, во тој случај зоните на гмечење, цврстата и крута патничка кабина и безбедносните системи, конструирани се за опасноста од тешка повреда да се сведе на најмала можна мера.
Во 2026 година, Мерцедес-Бенц одбележува 140-годишнина од патентирањето на првиот автомобил во историјата. ЦЛА уште рано даде најдобар почеток на славеничката година на марката со сребрената ѕвезда.
