Дарко Јаконов
На 16-то издание на 24-часовниот маратон на Дубаи Аутодром (од 14-ти до 16-ти јануари) Mercedes-AMG ќе цели да ја постигне шестата победа во метрополата во пустината. Со повторувањето на успехот од лани, AMG ќе стане рекордер меѓу производителите.
За ништо да не се препушти на случајот и да се искористи историската шанса, Haupt Racing Team ги ангажира своите најискусни возачи. Трикратниот победник во Дубаи и сопственик на тимот, Хуберт Хаупт, ќе се менува зад воланот на Mercedes-AMG GT3 #4 од HRT Bilstein со Калед Ал Кубаиси (ОАЕ), Патрик Асенхајмер (ГЕР), Маро Енген (ГЕР) и Рајан Ретклиф (ГБР).
Под стартниот број #5 ќе учествува и втор Mercedes-AMG GT3 во класата GT3-AM. Калед ал Кубаиси и Патрик Асенхајмер, во овој болид ќе имаат помош од Нико Бастијан (ГЕР), Валентин Пирбург (ГЕР) и Флоријан Шолце (ГЕР). Како втор тим во класата GT3-PRO ќе учествува францускиот тим Racetivity со возачите Емануел Колар, Франсоа Перодо, Чарлс-Хенри Самани и Метју Ваксивир (сите од Франција) зад воланот на #83.
Во трка за пиедесталот учествуваат и два приватни тимови во класата GT3-AM. Тимот MP Motorsport во болидот со стартен број #19 ги ангажира ланските победници во класата: Берт де Хој, Дануел де Јонг, Хенк де Јонг и Јаап ван Лаген (сите од Холандија).
Тимот CP Racing (#85) во оваа класа настапува како бранител на титулата во првенството во 24H SERIES. Станува збор за интернационална серија од маратонски трки, што започнува со трката во Дубаи. Во конкуренција од 60 возила влегуваат и два Mercedes-AMG GT4 на тимовите Comet Racing (#458) и Dragon Racing (#488).
Трката стартува во петок, на 15-ти јануари, во 12 часот по македонско време.
Mercedes-AMG GT3 и GT4 на 24 часа Дубаи:
| Бр.
Класа |
Возило | Тим | Возач |
| 4
GT3-PRO |
Mercedes-AMG GT3 | HRT Bilstein | Khaled Al Qubaisi (UAE), Patrick Assenheimer (GER), Maro Engel (GER), Hubert Haupt (GER), Ryan Ratcliffe (GBR) |
| 5
GT3 |
Mercedes-AMG GT3 | Haupt Racing Team | Khaled Al Qubaisi (UAE), Patrick Assenheimer (GER), Nico Bastian (GER), Valentin Pierburg (GER), Florian Scholze (GER) |
| 19
GT3-AM |
Mercedes-AMG GT3 | MP Motorsport | Bert de Heus (NED), Daniel de Jong (NED), Henk de Jong (NED), Jaap van Lagen (NED) |
| 83
GT3-PRO |
Mercedes-AMG GT3 | Racetivity | Emmanuel Collard (FRA), François Perrodo (FRA), Charles-Henri Samani (FRA), Matthieu Vaxiviere (FRA) |
| 85
GT3-AM |
Mercedes-AMG GT3 | CP Racing | Charles Espenlaub (USA), Joe Foster (USA), Shane Lewis (USA), Charles Putman (USA) |
| 458
GT4 |
Mercedes-AMG GT4 | Comet Racing | Kei Cozzolino (ITA), Masaaki Fujii (JPN), Kazuhiro Sakai (JPN), Yorikatsu Tsujiko (JPN), Yusuke Yamasaki (JPN) |
| 488
GT4 |
Mercedes-AMG GT4 | Dragon Racing | Adam Christodoulou (GBR), Ollie Hancock (GBR), John Hartshorne (GBR), Denis Remenyako (RUS) |
