за

McLaren Elva вози во боите на Gulf

McLaren Automotive одржа премиера на McLaren Elva Gulf Theme by MSO (McLaren Special Operations). Моделот е изработен во чест на обновената соработка со Gulf Oil.

meclaren elva gulf

Уникатниот родстер на McLaren во сината и портокаловата боја на Gulf ја доживеа својата светска премиера на виртуелното издание на Неделата на брзината во Гудвуд викендов. Купувачите на Elva ќе можат да нарачаат нивниот суперспортски автомобил од Вокинг да биде лакиран во Gulf-Look во специјалното одделение на McLaren.

Новиот родстер кој спаѓа во таканаречената Ултимативна Серија на McLaren го задржува принципот на лесна конструкција од својот претходник. Каросеријата на Elva не поседува стакла и нема покрив, а место тоа се користи Active Air Management System (AAMS). Тоа е мајсторија на аеродинамичарите на куќата, кои преку овој систем создаваат еден вид заветрина над кабината.

Моторот V8 со зафатнина од 4,0 литри и битурбо-натполнење, постигнува 815 КС и вртежен момент од 800 њутнметри. Elva достојно ја продолжува традицијата на претходниците McLaren P1, McLaren Senna и Speedtail, кои исто така се дел од Ултимативната Серија.

Elva потсеќа на спортските модели со истото име од 1960-те години. Тоа се едни од првите спортски автомобили што Брус Мекларен ги конструираше, но и ги возеше на трки.

>>> Вредноста на McLaren F1 надмина 16 мио. ₤ по премиерата на T.50

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Land Rover не се снаоѓа најдобро со хибридниот погон

BMW X5 X6 M Competition First Edition

BMW X5 M и X6 М во тркачко издание во само 250 примероци