за

McLaren ќе се вози и во Индија

Индискиот пазар се спомнувал и порано, но сега почнува буквално навала на пазарот, од којшто се очекува да биде „новата Кина“. McLaren наскоро отвора салон во Мумбаи.

Менаџерите на McLaren ценат дека високите увозни царини во Индија не се пречка за да стартуваат со продажба на нивните ексклузивни автомобили. Големата азиска земја е цел главно за модели во ценовно најдостапниот сегмент, меѓутоа очигледно дека има простор и за оние од спротивниот крај, вклучувајќи ги и најексклузивните марки, како McLaren.

Првиот салон на McLaren во Индија е лоциран во Мумбаи и ќе почне со продажба во октомври. Во понудата на луксузната спортска марка ќе се најде и најновиот модел Artura, со приклучен хибриден погон.

Индија е главно пазар за најевтините модели, со удел на лускузните автомобили во вкупната продажба во земјата од само 1 процент. За пазар со вкупно 3 милиони автомобили годишно, тоа сепак се 30.000 луксузни возила.

Британците избраа дилер што на индискиот пазар ги нуди марките BMW, Lamborghini, Porsche и Ducati. Покрај најновиот модел Artura со хибриден погон со можност за надворешно полнење на батеријата, McLaren ќе ги понуди во Индија и своите модели GT, 720S и 765LT.

Претходно и Tesla објави дека планира да ги продава своите електрични автомобили во Индија, меѓутоа Американците се откажаа од намерата, откако државата одби да им обезбеди пониска увозна царина.

На пазарот во Индија е главен Maruti Suzuki, компанија во мнозинска сопственост на јапонскиот Suzuki Motor. Своевремено на македонскиот пазар пристигаше прочуениот Maruti 800, чијашто техника ја користеше и легендарниот Dаеwoo Tico, еден од историски најпродаваните модели на нашиот пазар.

Suzuki Vitara Brezza во 750.000 примероци во Индија, доаѓа наследничката

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Во Македонија автомобилите се стари во просек 19,5 години

Шефот на Toyota возеше Yaris со погон на водород на рели