за

Нема ванкел, но пак е Mazda и вози на струја

Бројни убави нешта во браншата се поврзуваат со Mazda. Еко-светот повеќе не ѝ дозволува да вградува ванкел, но јапонската марка се снаоѓа пристојно и во електричната ера. Во јули стартува со продажба освежената изведба на електричниот СУВ-модел Mazda MX-30.

Новото моделско годиште на MX-30, првиот електричен модел на Mazda, се одликува со подобрена техника за полнење, со неколку зафати во звукот, како и нови бои за каросеријата и внатрешноста.

Компактниот СУВ-модел со 100% погон на струја, Mazda MX-30, во новото моделско годиште ја полни батеријата побрзо и има подобрена функционалност при полнењето, звукот при возење исто така е подобрен, а може да се избира и меѓу неколку нови бои за каросеријата и за кабината..

Техничките подобрувања се направени со цел да се овозможи побрзо полнење на батеријата. MX-30 сега подржува трифазно полнење со 11 kW, а се овозможува и користење брзи полначи со еднонасочна струја, сега со моќност до 50 kW, место 40 kW. Со тоа може да се скуси времето на полнење за десетина минути. Mazda тврди дека полнењето до 80% во тој случај би траело само 26 минути.

New item by Automedia MK / Google Photos

Звукот на MX-30 сега му овозможува на возачот да добие поверна претстава за вртежниот момент што го произведува електромоторот. Фреквенцијата на звукот при возење е променета, за звукот повеќе да се совпаѓа со останатите звуци, на пример, од тркалата и од струењето на воздухот. На тој начин се постигнува поприродно чувство при возењето.

New item by Automedia MK / Google Photos
New item by Automedia MK / Google Photos
New item by Automedia MK / Google Photos

На досегашните две варијанти на бои во кабината, белата (Modern confidence) и кафената (Industrial vintage), им се придружува целосно црна кабина (Urban expression). Шарите во денимот на седиштата се изведени во сива или бела боја, додека во средишната конзола и во вратите се ставени акценти во боја на темна плута.

Две нови повеќебојни комбинаци за каросеријата се Jet Black и Zircon Sand, којашто е воедно и нова боја во целата гама на Mazda. Со тоа, сега на располагање стојат вкупно четири повеќебојни комбинации за каросеријата.

New item by Automedia MK / Google Photos

Внатрешната боја Zircon Sand може да се комбинира само со комплетно црна кабина. Оваа природна беж боја е инспирирана од циркон-песокот, којшто пак потсеќа на далечното минато на Mazda и на изработката на калапи за леење. Втората нова боја, Jet Black, комбинира кровни столбови во сребрена боја и комплетно црн ентериер. За поспортска појава, постоечката боја Soul Red Crystal отсега може да се комбинира со комплетно црн покрив и столбови.

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Mazda стартуваше со производство на CX-60, прв со приклучен хибриден погон

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Вака изгледа веганска кабина на автомобил

Стокхолм пушти катна гаража со 1.000 полначи за електрични автомобили