за

Lexus продал еден милион возила во Европа

Точно со триесетгодишнината на луксузната марка на Toyota во Европа се совпаѓа достигнувањето на еден милион продадени примероци.

Lexus продал еден милион возила во Европа

Lexus во септември надмина продажба од еден милион возила во Европа. Ова значајно достигнување се совпаѓа со одбележувањето на полни три децении на Lexus на европскиот пазар.

Првиот милион на Lexus во Европа се поклопува и со почетокот на новата ера на луксузната марка на Toyota. Таа почнува со пазарниот старт на UX 300e, првиот целосно електричен автомобил што ќе биде достапен на најголемите европски пазари за автомобили на струја.

Во 1990 година, неколку месеци по светското деби на марката во САД, Lexus започна со продажба на европскиот пазар, со еден и единствен, но вреден модел. LS 400 во првата година се продаде во 1.158 примероци. Тоа беше скромна бројка во споредба со Mercedes, BMW & Co, но моделот одигра важна улога, затоа што постави нови мерила за перформансите, ефикасноста и напредната опрема.

Lexus воведе и нов пристап во сервисирањето на возилата. За таа цел, луксузната марка ги следеше начелата на омотенаши. Тоа е духот на јапонската традиција, за клиентите да се третираат со истата грижа како гостин во домот. Врвните стандарди во сервисите отсекогаш биле клучен фактор во настапот на марката.

Според последните статистики за Европа, најпродавани модели на Lexus се СУВ со хибриден погон

Во 2005 година беше претставен првиот луксузен автомобил со хибриден погон, СУВ-моделот RX 400h. Од еден милион продадени примероци во Европа, околу 45% се хибриди. Денес, овој погон е заштитен знак на марката и достигнува удел од 96% во Западна Европа.

СУВ-моделите учествуваат во најголем дел во продажбата, со повеќе од 550.000 примероци. Денешната моделска понуда се состои од RX, модел што воведе нови стандарди меѓу луксузните СУВ-возила, потоа од продолжена верзија RX L со седум седишта, од моделот од средната класа NX и од компактниот кросовер UX, лансиран лани. Тој е воедно и најпродаван модел на Lexus во Европа годинава. Во Русија и други источни пазари, Lexus го нуди големиот теренец LX, како и моделот GX. Сите овие модели денес сочинуваат 80% од продажбата на Lexus во Европа.

New photo by Automedia MK / Google Photos

Најпродаваните моделски серии на Lexus во Европа 1990-2020

Модел

Претставен

Вкупно примероци

LS

1990

39059

GS

1993

74998

IS

1999

202210

RX

2000

289284

SC

2001

6202

LX

2002

58234

GX

2010

14862

ES

2010

26949

CT

2011

97637

LFA

2011

38

NX

2014

155366

RC

2015

7083

LC

2017

1816

UX

2019

32972

ВКУПНО

1006710

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

mercedes s-class w140

Близу 600.000 олдтајмери во беспрекорна состојба по германските патишта

Kia Niro најпродаван модел во Холандија во август

Kia во третиот квартал продала 700.000 возила