за

Џеј Лено постави рекорд со Tesla Model S

Џеј Лено и новата моделска изведба Plaid на Tesla Model S се новите рекордери за најбрз спринт од место до четвртина милја, до 402 метри.

Ѕвездата на ноќните телевизиски шоуа и голем љубител на автомобилизмот, Џеј Лено, заслужи да биде впишан како рекордер, со најбрзо извозена четвртина милја, со Tesla Model S Plaid.

Рекордерското возење се одвиваше на патеката за драг Помона во Калифорнија. Лено целиот потфат го снимаше за да биде прикажано како премиера на неговата „Jay Leno’s Garage“. Рекордот за најбрзо извозена четвртина милја изнесува 9,247 секунди, со крајна брзина од 152,09 mph, односно 249,6 километри на час.

На поставувањето на рекордот присустувале и претставници од американската хот-род асоцијација, заради официјалност на авантурата. На мрежите веднаш проструи снимката на којашто главниот инженер на Tesla, Франц фон Холцхаузен, се радува за рекордот.

Лено коментираше во стил својствен за него, за каналот CNBC: „Ова е најбрзиот сериски автомобил што може да се купи. Тој е побрз од кој било Ferrari, побрз од кој било Bugatti од 3,5 милиони долари“. Шоуменот бил посебно одушевен од тишината во автомобилот. Доказ за тоа се птиците што останале во крошните на околните дрвја, кои Лено ги забележал на враќање – при рекорди со класичен погон, птиците одлетуваат уште долго пред автомобилот да пројури покрај нив.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mercedes-AMG GT прави уште поголем скок меѓу спорт и комфор

Тојота Авто Центар релаксира со 10-годишна гаранција