Конвој од девет примероци од суперспортскиот СУВ Urus извозе 760 километри на Северот на Европа, по автопатишта, планински превои и теренски тури во питорескната Република Карелија.
Суперспортските марки организираат посебни настани за своите клиенти, со заеднички тури во краишта со единствена убавина и голема доза на екслузивност. Кај марката од Сант Агата, овие настани се водат како Lamborghini Esperienza Dinamica.
Ексклузивната програма започна од новата тркачка патека Игора Драјв. Секако дека возењето по тркачкиот асфалт им овозможи на сопствениците на Lamborghini Urus целосно да ги доживеат неговите исклучителни перформанси. Убава глетка, со шест различни бои на каросеријата: Giallo Auge yellow, Verde Hydra green, Blu Eleos, Blu Astraeus, Grigio Lynx, Grigio Nimbus Matt и темна Grigio Keres.
https://photos.app.goo.gl/Krq7y8F4cWSu8tir5
На гостите им беше претставен и уникатниот Huracán EVO GT Celebration, подготвен во чест на триумфот на италијанската марка на 24 часа Дајтона и 12 часа Себринг.
Караванот потоа се упати на север, кон волшебната Карелија и до прочуеното езеро Ладога. Во вториот ден се возеше по каменестиот терен на ртот Таруниеми, во правец на резерварот Толвајарви. Моќниот СУВ се пробиваа по предизвикувачките терени покрај стогодишни шуми, и заштитени езера. Следно одредиште беше Вјартсилија, населба покрај границата со Финска, за оттаму конвојот да се врати до појдовната точка. Минатата година првпат се одржа експедиција на Lamborghini во Русија, во Алтај.
https://photos.app.goo.gl/uttF8wVPMrRugyr78
Lamborghini Urus користи 4.0-литарски V8 твин-турбо со 650 КС при 6.000/min и вртежен момент од 850 Nm при 2.250/min. Спринтот на Urus од место до 100 km/h трае 3,6 секунди, до 200 km/h за 12,8 секунди, а крајната брзина е 305 km/h. Побрз е единствено Bentley Bentayga Speed.
https://photos.app.goo.gl/rEbhUmG6k3TZUGSr6
Новина за 2021 година е достапноста на верзија со двобојна каросерија, што се води како дизајнерска едиција Urus Pearl Capsule. Цената на основната изведба на Lamborghini Urus во Русија изнесува 17,175,325 рубли или околу 190.600 евра.
