Третиот квартал заврши одлично за марката со брзите и скапи автомобили. За три месеци, од јули до септември, Lamborghini испорача 2.083 возила. Тоа меѓу другото докажува дека ниту една криза не може вистински да ја наруши продажбата на ексклузивните возила.
Во годината во којашто целата индустрија и целиот свет се соочуваат со последиците од корона-кризата, Lamborghini се реорганизираше и го постави работењето во компанијта според „новото нормално“. Иако компанијата во Сант Агата меѓу првите ги затвори фабриките и канцелариите, давајќи највисока важност на здравјето на вработените, Lamborhini по седумнеделната пауза брзо ја врати вообичаената динамика, постапувајќи според сменетите стратегии на работа.
Со повторното отворање на фабриката, Lambo лансираше три модели: Huracan RWD Spyder, Sián Roadster и Essenza SCV12. Италијанците имаа важно достигнување, со производството на 10-илјадитите примероци од Urus и Aventador. Во исто време се ставаше силен нагласок на присуството на марката на друштвените мрежи и беше лансиран културниот проект за подршка на земјата тешко погодена од пандемијата: With Italy, For Italy.