за

Продажбата на Lada порасна 75%, руските власти им помагаат на граѓаните

Продажбата на Lada на домашниот пазар во август се зголеми за 75%, како резултат од државната помош за поттикнување на пазарот на нови возила во Русија.

Август донесе голем раст во продажбата на Lada на рускиот пазар, во услови кога индустријата продолжува да се соочува со последиците од нападот на Русија врз Украина.

Lada во минатиот месец продала 18.087 патнички автомобили на рускиот пазар, што е за 75% повеќе во споредба со јулскиот резултат. До продажбата од август лани уште остануваат 7% кусок, меѓутоа минатиот месец ја донесе најголемата продажба на автомобили за рускиот производител, откако Русија во февруари испрати војска во Украина.

Според претседателот на AvtoVAZ, Максим Соколов, два модели на Lada се продаваат „како пред кризата“, тоа се Granta и вечната Niva. Директорот го цени тоа како „важно достигнување“, што води кон заздравување на компанијата. Во фабричкото соопштение, Соколов изјавува дека „ќе успееме да ги надминеме тековните потешкотии и да излеземе во пресрет на побарувачката на рускиот автомобилски пазар.“

Компанијата што вработува околу 42.000 лица посочува дека владината програма за помош за купување нови автомобили помогнала да се задоволи побарувачката за возила.

Рускиот автомобилски сектор, што во голема мера е зависен од увозот на делови и од странските синџири од добавувачи, запре целосно откако Западот воведе остри санкции за Русија, поради нападот на Украина. Светските производители ги прекинаа своите активности во земјата. Француската групација Renault, којашто долги години беше акционер во AvtoVAZ, во мај го продаде својот удел во компанијата.

Lada Granta Sedan во Русија почнува од 678.300 рубљи, што одговара на 11.300 евра. Со државната помош се покриваат 20% од цената на возилото. Купување автомобил им се олеснува на семејства со деца, што го купуваат својот прв автомобил. Постои дополнителна програма за здравенствени работници и учители.

Камаз се вмешува во најавите за враќањето на марката Москвич

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Ексклузивен Peugeot 408 за првите 300 купувачи

Kia Sportage во август достигна 40.000 примероци, марката во раст