за

Кина ќе го скусува бројот на производители на електрични автомобили

Кинеските власти планираат да го потсредат домашното производство на електрични автомобили.

Поради високите државни субвенции, моментно во Кина постојат околу 300 компании што произведуваат електрични автомобили. Голем број од тие компании е можно да исчезнат.

Кинескиот министер за индустрија и информациска технологија Шао Јачинг ќе воведе промени во производството на електрични автомобили во земјата, со цел браншата да се приспособи според новонастанатите услови. Шао Јачинг, кој е воедно и главен надзор на пазарот, ќе ги охрабри домашните производители на електрични автомобили да извршат спојувања и преструктурирања. Целта е да се намали бројот на производители на електрични возила во Кина. Голем дел од тие производители се речиси безначајни во поглед на нивниот удел во продажбата или прометот. Компаниите што произведуваат електрични возила мора да окрупнат и да зајакнат.

Сите актери на пазарот во моментов се полни со ентузијазам и производството на електрични возила постигна голем напредок. Но, секторот бара примена и развој на врвна технологија. Поради тоа, ресурсите треба колку е можно повеќе да се користат пазарно ориентирано.

Во минатите десет години, кинеските власти ја субвенционираа браншата на електричните возила со околу 100 милијарди долари. Моментно во земјата работат околу 300 домашни производители на електрични автомобили. Со планираната консолидација ќе се постигне голем број од стартап-компаниите да исчезнат од пазарот.

Во Кина месечно се продаваат повеќе од 200.000 електрични возила

>>> Тест на Seres 3 · СУВ од Кина, електричен и премиум

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Нема субвенции за Tesla, Toyota и Honda во САД

Африкански шпедитер нарача 90 камиони Mercedes-Benz Actros