Корејскиот производител на автомобили Kia во следните седум години ќе ги подржува акциите за чистење на светските океани, како и поставувањето уреди за собирање на отпадот во реките.
Корпорацијата Kia и организацијата The Ocean Cleanup започнаа седумгодишна соработка, со цел за заедничко изнаоѓање решенија со коишто ќе се постигне поголема одржливост на животната среидна.
Непрофитната организација The Ocean Cleanup, со седиште во Холандија, развива скалесто применливи технологии, за океаните да се ослободат од платичниот отпад. Тоа во најголема мера се постигнува со собирање на отпадот при влевањето на реките, како и преку чистење на веќе насобраниот отпад во океаните.
Во моментов се развиваат масивни системи за делотворно собирање на отпадот и негово отстранување нa одредено временско растојание. Уредот што наменски е развиен и се користи за ограничување на влевањето на пластичниот отпад од реките е наречен Interceptor. Во следните седум години, Kia финансиски и организациски ќе им помага на The Ocean Cleanup, како во развојот на нови технологии, така и во настаните на организацијата. Kia воедно ќе користи дел од собраната пластика, за рециклирање и нејзино вклучување во изработка на нови делови од пластика.
Kia has joined with The Ocean Cleanup as a Global Partner to support our ocean cleaning operations, construction of Interceptors, and repurposing of some of our recycled plastic catch.
Read more about this partnership here: https://t.co/CS3frNR25M. pic.twitter.com/zRoSMvPyPz
— The Ocean Cleanup (@TheOceanCleanup) May 20, 2022
Како дел од соработката, холандската организација ќе добие на располагање и четири електрични возила, една Kia KV6, носителка на титулата на европски автомобил за 2022 година, и три Kia Niro.
Во новата генерација на Kia Niro се применува висок степен на рециклирани материјали. Тоа меѓу другото вклучува рециклирани тапети и лисја од еукалиптус, а за лакирањето се користат бои што се растворливи во вода, со цел да се намали влијанието врз животната средина.
