за

За завршница на годината: Kia K5 и Sorento имаат „Good Design“

Наградите за дизајн одамна не се новина во регалот за трофеи на Kia, ова е добро за потсетување дека Sorento наскоро пристига на македонскиот пазар.

Kia Sorento
Kia Sorento

Kia освои уште две награди за дизајн за своите најнови модели, за третата генерација на лимузината K5/Optima и за четвртата генерација на Sorento. Тие се победници во категоријата за транспорт во рамките на изборот Good Design.

Историјата се повторува за Kia, а тоа ѝ носи само позитивни моменти на марката од Сеул. Претходните генерации на Sorento и K5 – кај нас претходничката се продаваше под името Optima – во 2015 година исто така победија во изборот за Good Design. Меѓу останатите модели што имаат освоено награда во ценетиот избор за најдобар дизајн спаѓаат американскиот СУВ-хит Telluride и Soul.

Третата генерација на K5 е меѓу најсилните лимузини на Kia од средната класа досега. Возачите добиваат посветена и технолошки напредна алтернатива на традиционалните играчи во овој сегмент, а тоа значи на лимузините на германското премиум трио, плус Lexus и Volvo. Главниот печат во надворешниот стил го става маската „тигарскиот нос“, заедно со дневните светла што дизајнерите ги водат како „срцево биење“. Внатрешноста прикажува футуристички хај-тек дизајн, предводено од дигиталните инструменти од 12 инчи.

Kia K5, Optima 2020

Комплетно новиот СУВ-знаменосец Kia Sorento ги презема основните црти од претходните генерации на моделот, додека во исто време внесува елегантни и господски стилски детали. Рабовите се нагласени и линиите се поостри, комбинирани со детали што оддаваат напредна технологија, со издолжена каросериска силуета. „Тигарскиот нос“ се повторува и кај Sorento, со издолжена маска што се втопува со светлата, кои сега претставуваат визуелен дел од истата. Внатре се става нагласок на материјали со врвен квалитет, напредни технологии за инфо-забава и впечатлив дизајн.

Во 70-та година на изборот, Good Design се вбројува меѓу најстарите избори за дизајн во светот. Програмата секоја година избира производи и индустриски лидери во дизајнот и производството, што воведуваат нови правци во иновирањето и ја заживуваат конкурентската трка на светскиот пазар.

>>> Kia Sorento безбеден за пет ѕвезди според Euro NCAP

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Девет од десет електро-возачи не се враќаат на бензин или дизел

Колку возниот парк ни се електризираше во 2020 година?