Дарко Јаконов
Прославувајќи го првиот настап на Kia на Фестивалот на брзината во Гудвуд, брендот ќе го изложи својот нов електричен автомобил, Kia EV6, како и сензационалниот Stinger со ознака GT420.
Најзначајниот и најобемен настан за автомобилскиот свет, оваа година ќе трае четири дена, односно ќе се одржува во периодот од 8-ми јули (четврток) до 11-ти јули (недела). Светот повторно очекува да види некои од најретките, најовите и најегзотичните возила во историјата.
Со своето јавно деби во Велика Британија, Kia EV6 треба да ја потресе „Електрична авенија – Патот до 2030 година“. Тоа е нова тематска изложба, создадена со цел да се прикаже широкиот спектар на електричните возила што се достапни сега или во блиска иднина.
EV6 е првата Kia што се базира на револуционерната платформа E-GMP (електрична-глобална модуларна платформа) и се напојува исклучиво од електрична енергија. Располагајќи со батерија од 77,4 kWh и техника за полнење под напон од 800V како стандард, EV6 ветува автономија до 508 километри. Дополнително, нешто што посебно фасцинира кај овој модел, тоа е спринтот до 100 километри на час што трае само 3,5 секунди.
Во придружба на EV6 на настанот ќе биде и моделот Stinger со ознака GT420, кој ќе биде прикажан во First Glance Paddock. Овој единствен примерок има 422 КС и 560 Nm вртежен момент од неговиот надграден 3,3-литарски V6 мотор со два турбо полначи. На патека има импресивни резултати, како резултат на прилагодено подесување на суспензијата, значително намалената тежината и подобрените сопирачки Brembo.
