Осака, вториот најнаселен регион во Јапонија, се очекува во вторник да биде погоден од тајфунот Лан. Се предвидува дека тајфунот ќе помине низ средиштето на најголемиот јапонски остров Хоншу.
Јапонија се подготвува еден од главните индустриски региони во земјата, Осака, во вторник да биде погоден од тајфунот Лан. Во средиштето на островот Хоншу се наоѓаат главните фабрики за автомобили. Тајфунот понатаму ќе продолжи на север, кон Хокаидо.
Иако очекуваат вонредни услови, домашните производители Toyota, Mitsubishi Motors, Honda и Suzuki, кажуваат дека нивната работа нема да претрпи штета од тајфунот, затоа што фабриките се затворени додека траат годишните одмори.
Се претпоставува дека временските услови ќе предизвикаат метеж и прекини во сообраќајот, во периодот кога луѓето почнуваат да се враќаат дома од годишните одмори
Јапонската агенција за метеорологија повика на претпазливост за силен дожд, лизгање на земјиштето и кал, како и силни ветришта.
Тајфуните зачестуваат и стануваат посилни, што доведува до тоа фабриките да го прекинат производството. Дополнителен проблем претставува и прекинот на доставата на материјали до фабриките. Лани две лица загинаа, кога силното невреме мина низ Токио.
番組のトップは台風7号の最新情報
地域ごとに最も警戒する時間帯などを解説します配信はこちらからhttps://t.co/fGp933v9QX#ニュース7 pic.twitter.com/tm64TZkYhM
— NHKニュース (@nhk_news) August 14, 2023
Издадена е наредба за евакуација од ниво 3 – највисоко е ниво 5 – за околу 26.000 повозрасни жители во префектурата Вакајама, поради загриженост за силен дожд, што може да предизвика лизгање на земјиштето, објавија NHK.
Тематскиот парк на Универзал Студио во Осака ќе биде затворен во вторник.
Авио-компаниите Japan Airlines и ANA Holdings најавија прекини на летовите, со откажани повеќе од 250 летови во понеделник и вторник.
Регионалните оператори на брзите возови, Central Japan Railway и West Japan Railway, најавија делумен прекин на сообраќањето на брзите возови во вторник, со можни доцнења и откажувања во понеделник и среда.
台風7号 紀伊半島の一部が暴風域に 線状降水帯発生の可能性もhttps://t.co/Qsmjpvlqa3
【影響・各地で備え】https://t.co/tjHRSKaL84
【交通の情報】https://t.co/Xc7MpduQt2#nhk_video pic.twitter.com/oXUVeWa2b6
— NHKニュース (@nhk_news) August 14, 2023
Централната Железница најави дека во вторник ќе биде во прекин сообраќајот меѓу Осака и Нагоја.
Утрината во понеделникот, тајфунот Лан беше оддалечен околу 260 километри југозападно од јапонскиот остров Хачиџоџима и се движи кон севернозапад.
Невремето коешто во Јапонија се води како Тајфун број 7, создава ветер со брзини до 144 километри на час.
Пред помалку од една седмица, тајфунот Канун мина низ регионот, движејќи се од Јапонија кон Јужна Кореја и предизвика затворања на фабриките за авотмобилит, стотици откажани летови и прекини во снабдувањето со струја.
