за

Tјунерите отидоа на кампување: Opel Vivaro стана Irmscher Cross iS2

Кампувањето е еден од малкуте убави трендови што го зафатија светов во последниве години. Покрај класичен тјунинг, Irmscher изработува и возила за кампување на база на Opel.

Irmscher е големо име кога станува збор за тјунирањето модели на Opel, уште од времето на Manta. Од пред извесно време, германската компанија се занимава и со изработка на возила за кампување. Најнова преработка е Cross iS2 на база на Opel Zafira/Vivaro.

Изработката на возила за кампување им успева одлично во Irmscher, традиционална тјунерска куќа специјализирана за Opel. Врз основа на моделите што ја користат платформата K0 на концернот PSA, односно Opel Zafira/Vivaro и новиот Fiat Scudo, се изработува Cross iS2, повеќе од пристојно возило за кампување.

Оваа варијанта на кампер е повеќе наменета за клиенти што сакаат возило за активно да го минуваат слободното време, а воедно сакаат истото возило да го користат во работното секојдневие. Практично, едно возило за сé.

Irmscher „Cross“ iS2 се базира врз варијантата со продолжено меѓуоскино растојание и располага со комплетно нов внатрешен распоред. Кујнскиот блок е вграден попречно и опремен е со квалитетна работна плоча од бамбус. Сите елементи располагаат со ротирачка брава и во нив се сместува сé што не е потребно во моментот. Зад кујната се наоѓа седечка група, со масичка што може да се извлече нанадвор.

New item by Automedia MK / Google Photos

Со извлекување на посебен елемент се добива долг лежај. Целата внатрешност изобилува со паметни решенија, вклучувајќи индуктивни плочи за полнење телефон или даска за сечење, што во исто време служи како поклопец. Боите и површинскиот материјал може да се избираат по желба.

Однадвор исто се забележува дека станува збор за несекојдневно комбе. На браникот му е додаден продолжеток, а отстрана се додадени проширени прагови. Главен впечаток назад оставаат проширувањата на крилата, како и кровниот спојлер. Посебен впечаток создава двобојната каросерија во манир на Irmscher.

Тркалата се од 18 инчи, со дизајн Heli Star, а по желба се вградуваат и тркала од 19 инчи, со дизајн High Star. Тркалата може да се нарачаат во црна боја или со полиран финиш.

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Од сон до реалност: Возило за кампување од домашна изработка

Трејлер од еден култен филм на „Опеланерите“

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Десет видови велосипедски шлемови: Секој за својата намена

Mercedes-Benz трикратно ја зголеми продажбата на електрични автомобили