Фабриката на Honda во Свиндон, што јапонскиот производител на автомобили ја купи во 1985 година, наскоро ќе премине во сопственост на Panattoni.
Honda Motor во 2019 година почна со реструктурирање на светската производствена мрежа, кога беше решено производството во фабриката во Свиндон, Велика Британија, да заврши во јули 2021 година. Тоа е воедно и завршеток на моделскиот век на комбилимузинската изведба Civic.
По завршетокот на производството на 30-ти јули 2021 година, Honda ќе започне со отстранување на производствената опрема во фабриката. Предавањето на новиот сопственик ќе се изврши во следната пролет. Panattoni кусо потоа ќе започне со обновување и пренамена на објектите.
За да привлече нови работодавци и да им обезбеди можност за ширење на тековните бизниси во Свиндон, Panattoni ќе вложи над 700 милиони фунти. Фабриката покрива површина од околу 1,5 километар квадратен и моментно вработува над 3.000 лица. Производството на мотори започна во 1989 година, а првите коли почнаа да излегуваат од Свиндон во 1992 година.
Honda ќе задржи неколку површини што нема да бидат опфатени во плановите на Panattoni, коишто ќе им бидат ставени на располагање на локалните задници, со цел да се остави позитивно наследство.
