Автомобили и камиони произведени од 1932 до 1988 година во GAZ учествуваа во фестивалот во Нижни Новгород, со којшто на соодветен начин беше одбележана 800-годишнината од основањето на рускиот град.
Историски автомобили произведени во погоните на GAZ се вратија во својот дом, во рускиот град Нижни Новгород, за големиот јубилеј на градот. Стотина автомобили учествуваа во одушевувачката колона, верно пренесувајќи го духот на старите времиња. Тоа што исто така остави посебен впечаток беше извонредната сочуваност на руските возила, каква што сцената обично помни од настаните во западноевропските држави.
Бројната публика што го следеше фестивалот можеше да забележи возила од сите периоди, почнувајќи од најраните модели, како легендарниот автомобил GAZ-A, преку камионети GAZ-AA, до последните примероци од народниот крстосувач Volga, произведени во годините по расформирањето на Советскиот Сојуз.
Историја и сегашност, едно до друго во фабриката во Нижни Новгород: GAZelle NN е нова генерација на познатите доставни возила на рускиот гигант, од којашто веќе се испорачуваат примероци и на македонскиот пазар
https://photos.app.goo.gl/Em3cUkjZCaVtKZ1P6
Во прославата учествува и уникатни автомобили, каков што е лимузината GAZ-6, со првата каросерија што носи потпис на FAZ. Уште еден бесценет автомобоил беше GAZ-12 ZIM, прва лимузина со три реда седишта и со аеродинамична каросерија. Во фабриката во Нижни Новгород се произведувале и амбулантски возила базирани врз GAZ-21 Volga, како што можеа да забележат присутните на фестивалот. Возила што учествувале во Втората светска бојна, денес се внимателно реставрирани, дел по дел, за што исто така можеше да посведочи публиката. Од тие историски вредни возила, на фестивалот се појавија командирски „емки“ M1 и „газики“ GAZ-67.
https://photos.app.goo.gl/c5ZdoEKLyCQdxGQdA
Глеб Никитин, гувернер на Нижоградскиот регион, коментира: „GAZ е еден од симболите на Нижни Новгород. Компанијата одигра многу важна улога за победата на Источниот фронт во Втората светска војна, во повоеното обновување на земјата и во развојот на советската индустрија. Се гордееме што GAZ ги надмина сите предизвици во транзицијата и сега е еден од светските лидери во бројни подрачја.“
Главниот настан во фестивалот беше минувањето на колоната возила низ главниот влез на „Горки Автомобиљни Завод“ (GAZ), по што се минуваше покрај модерната производствена линија. На местото, каде што пред многу децении се произведуваше легендарниот камион GAZ-AA, денес се произведуват доставните возила GAZelle NN и товарни модели од генерацијата Next. По почесното возење низ фабриката, возилата се упатија кон градскиот стадион, а потоа и кон Катедралата на Александер Невски, каде што беше организирана изложба на автомобилите.
GAZ моментно е мошне актуелен на македонскиот пазар на доставни возила со новата генерација на GAZelle NN, меѓу другото со мотори TDI од Volkswagen и со технологија што не заостанува зад Ford Transit и останатите познати модели од тој сегмент.
https://photos.app.goo.gl/UjdJp1ZJkk3yrtkg9
https://photos.app.goo.gl/DgoeaQCMBJaLXAV56
https://photos.app.goo.gl/2Chpu5dDd2PyJoZA8
https://photos.app.goo.gl/V9Rnon6EmMde4iY77
https://photos.app.goo.gl/XsCRtS64SS9c9QPp8
https://photos.app.goo.gl/4VpymvHoY37XNFm7A
https://photos.app.goo.gl/FDm34V3iHZ4g13Uw5
https://photos.app.goo.gl/PUuATbocaoPVSFaB6
https://photos.app.goo.gl/T6uQzhxbtARe81iH8
https://photos.app.goo.gl/JEE8zifJfcARPKQt6
