за

Секој втор продаден СУВ-модел на Ford е Puma

На Ford му успеа да погоди во црната точка со новата Puma. Со повеќе од 40.000 примероци, компактниот СУВ во третиот квартал учествува со близу половина во продажбата на Ford во сегментот.

Секој втор продаден СУВ-модел на Ford е Puma

Ford во периодот од јули до крајот на септември испорачал речиси 300.000 возила на своите 20 најголеми пазари во Европа, вклучувајќи и доставни возила. Кризата не влијаеше врз уделот на марката, кој останува на високи 6 проценти. Одлични резултати постигнува Puma.

Во третото тромесечје од најтешката година за индустријата, Ford продал 299.632 патнички и доставни возила на 20-те најголеми пазари во Европа. Двата ограноци заедно учествуваат со 7,6 проценти во пазарот.

Добредојден е растот во продажбата на доставни возила, каде што Ford и во третиот квартал останува европски лидер. Transit & Co успеале да го зголемат своето учество на 15% и постигнале вкупно 94.565 продажби – со тоа е надминат рекордот од 1993 година. Во споредба со истиот квартал лани, резултатот за 2020 година е 3,8% во плус. Според производителот, овој тренд се должи на растечката побарувачка на возила во домашната достава на производи.

Ford Transit, Transit Custom и Tourneo Custom во третиот квартал постигнале 64.651 продажби, што исто така е рекорд во споредба со 1993 година и претставува раст од 10,3%

Кај патничките возила, резултатот за последниот квартал носи 205.067 продадени автомобили што е намалување за 7,5 проценти во споредба со лани. Во услови на корона, продажбата на Ford бележи помал пад во споредба со конкурентите.

Продажбата на СУВ-моделите пораснала за една третина и достигнала 92.685 примероци. Голема заслуга за овој резултат има новиот компактен СУВ-модел на база на Fiesta. Новата Puma се продача во дури 42.362 примероци меѓу јули и септември. Уште еден добар тренд кај Puma е тоа што три од четири продадени модели возат со благ хибриден погон mHEV.

Продажба по модели на Ford до септември 2020

(на 20-те најголеми традиционални пазари на Ford)

Модел

Септември 2020

Јан-септ. 2020

Fiesta

46494

116528

Focus

46237

128829

Puma

42362

78569

Kuga

35470

55535

Transit Custom

32565

80692

Transit

24983

63186

EcoSport

13064

41224

Ranger

12802

30848

Transit Connect

10931

27975

Tourneo Custom

7101

17754

Mondeo

5660

15847

Transit Courier

4485

10925

S-MAX

4214

9963

Tourneo Connect

3030

7310

Galaxy

2628

5896

Mustang

2212

5551

Tourneo Courier

1874

4670

Explorer

1064

1531

Edge

725

2487

C-MAX

21

115

Ka+

12

66

Останати

1698

4047

ВКУПНО

299632

709548

>>> Трета генерација на Ford Kuga во салонот на Ми-Да Гранд Моторс

Трета генерација на Ford Kuga во салонот на Ми-Да Гранд Моторс

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Great Wall дефинитивно ги „навлече“ Кинезите да возат пикап

Great Wall дефинитивно ги „навлече“ Кинезите да возат пикап

Топ 10 Најрасипливи автомобили според британски WhatCar

Топ 10 Најрасипливи автомобили според британски WhatCar