за

Ford Puma добива 7-степен автоматик за благиот хибрид

Хит-моделот на Ford и СУВ-модел базиран врз Fiesta досега беше достапен само со мануелен менувач во изведбата со благ хибрид. Puma отсега менува и автоматски.

Ford Puma

Ford Puma и класичарот Fiesta во своите изведби со благ хибриден погон, од март ќе може да се комбинираат и со 7-степен менувач со двојна спојка. Тоа прави секојдневието да биде уште покомотно, се смалуваат потрошувачката и емисијата на СО2.

Ford нуди нов 7-степен менувач со двојна спојка за своите модели што комбинират мотор EcoBoost со 48-волтен стартер-генератор, што значи со благ хибриден погон. Бестселерите Puma и Fiesta од следниот месец ќе може да се нарачаат во изведба со 7-степен менувач со двојна спојка, покрај станардните изведби со 6-степен мануелен менувач.

Менувачот понатаму ќе се вградува и во останатите моделски серии на Ford со EcoBoost мотори. Стартер-генераторот во Ford Puma и Fiesta со мотор 1.0 EcoBoost mHEV работи на 48-волти и располага со моќност од 11,5 kW, односно 16 КС. Негова задача е да му асистира на моторот при поаѓање и кусо време при забрзување, на тој начин придонесувајќи за смалување на потрошувачката на гориво. Сето тоа е многу едноставно (барем да се објасни како принцип), иако не е толку делотворно во штедењето колку полн хибрид на Toyota, но е релативно ниска цената на системот.

Уште една придобивка на благиот хибрид на којашто посетуваат инженерите на Ford: Тоа што електромоторот му асистира на бензинецот при најниски вртежи, овозможи да се вградува поголема турбина – техничарите често се ограничени во поглед на димензиите на лопатките на турбината и на компресорот, па мораат да прават компромис и да користат помала турбина, за таа да може да реагира уште од најниски вртежи. Батеријата располага со 10 амперчасови и се полни при запирање и при пуштање на возилото да се движи под залет.

Стартер-генераторот при поаѓање и забрзување му асистира на моторот со вртежен момент со максимално 24 њутнметри. Тоа го растоварува моторот, што значи дека се намалува и потрошувачката. Заштедата конретно изнесува до 5 проценти.

Помошта од стартер-генераторот пристига и при силно забрзување, кога тој функционира како електромотор, со што исто се зголемува вртежниот момент. Ford Puma со мотор 1.0 EcoBoost mHEV со 125 КС и со менувач со двојна спојка, забрзува до темпос то за 4% подобро од верзијата со мануелен менувач. Со варијантата на моторот со 155 КС, забрзувањето со 7-степениот автоматик трае само 8,7 секунди.

Ford Fiesta EcoBoost-Mild Hybrid & Ford Puma EcoBoost-Mild Hybrid се два од вкупно 17 модели со електрифициран погон, што Ford ги најави во продажба во Европа во текот на 2021 година.

>>> Ford вложува милијарда во Келн, ќе произведува верзија на VW ID.3

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

fuso ecanter електричен камион

Двестотини примероци од електричниот камион Fuso возат ширум светот

bmw i

Десетгодишнина на BMW на струја