за

Двестотини примероци од електричниот камион Fuso возат ширум светот

Повеќе од 200 примероци од Fuso eCanter, електричниот камион што е дел од продукцијата на концернот Daimler, секојдневно се користат на сите страни на светот.

fuso ecanter електричен камион

По три години од почетокот на малосериското производство, лесниот електричен камион Fuso eCanter надмина продукција од 200 примероци. Клиенти во 11 во градови, во Њујорк, Токио, Берлин, Лондон, Амстердам, Париз, Даблин, Осло, Копенгахен, Хелсинки и Лисабон, ги користат електричните камиони во доставата на стока во центарот на градот.

До февруари, повеќе од 40 примероци од Fuso eCanter се испорачани во САД, над 60 во Јапонија и преку 100 во Европа. Овие возила досега имаат поминати вкупно 3 милиони километри. Тоа е исто како Земјата да се обиколи 75 пати. Уште поважно, ова растојание е поминато без ниту грам штетни материи, чисто на струја.

Камионот со вкупна тежина од 7,49 тони постигнува досег од преку 100 километри и посебно е наменет да достава на стока во строгото подрачје на бројни градови ширум светот, во коишто е забранет пристап на камиони со обичен погон и штетна емисија. Fuso eCanter се одликува и со одлична носивост на шасијата од 4,15 тони. Камионот обично се користи за достава на ситна роба на куси растојание, за испорака на онлајн-нарачки, за пошта или во доставата на пијалоци.

Меѓу најзвучните клиенти во Европа се компаниите за логистика PostNL, Dachser, Deutsche Post DHL, Rhenus и DB Schenker.

Како пионер во подрачјето на електричните камиони, следниот чекор на Fuso е забрзување на електрификацијата на доставата на стока без штетна емисија. Во согласност со стратегијата на Daimler Trucks, до 2039 година сите нови возила во тријадата (Европа, Северна Америка и Јапонија) ќе бидат неутрални во однос на емисијата на СО2, во целиот синџир „Tank-to-wheel.

>>> Пратките во Холандија се разнесуваат со електрични камиони

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

lexus ls 500h

Lexus LS 500h на хибридна супспецијализација

Ford Puma

Ford Puma добива 7-степен автоматик за благиот хибрид