Ford Fiesta лани ја имаше дванаесеттата година во низа, со почесна титула на најпродаван автомобил на пазарот во Велика Британија. Вкупно се продадени повеќе од 49.000 примероци. Од 2009 година наваму, на островот се регистрирани над 1,3 милион нови примероци од Fiesta.
Ford е најпродавана автомобилска марка во Британија во минатата година и така е 44 години во низа. Синиот овал е водечка марка и во приватната продажба, со 10,9 проценти пазарен удел. Покрај Fiesta, други модели што постигнаа одлични резултати лани се Ford Puma, која во својата прва година на пазарот се продаде во 26.300 примероци во земјата и со тоа е топ-модел во својата класа. Puma е воедно и 8-ми најпродаван модел на британскиот пазар.
Истиот позитивен тон важи и за пазарот на доставни возила, каде што Ford води 55 години во низа. Transit Custom и Tourneo Custom се втор најпродаван модел во земјата, со 47.500 примероци за целата година. Уште поубедливо звучи фактот што овие два модели држат 44,5 проценти од пазарот во сегментот на доставни возила до еден тон.
Одлично се држеше и Ford Ranger со највисок пазарен удел досега, односно со 36,5 проценти од пазарот на пикапи во Велика Британија, што повторно му донесе титула на најпродаван пикап во земјата.
Топ 10 Најпродавани модели во Велика Британија во ‘20
| # |
Марка и модел |
Примероци |
| 1 | Ford Fiesta | 49174 |
| 2 | Vauxhall/Opel Corsa | 46439 |
| 3 | Volkswagen Golf | 43109 |
| 4 | Ford Focus | 39372 |
| 5 | Mercedes A-Class | 37608 |
| 6 | Nissan Qashqai | 33972 |
| 7 | Mini | 31233 |
| 8 | Volkswagen Polo | 26965 |
| 9 | Ford Puma | 26294 |
| 10 | Volvo XC40 | 25023 |
>>> Каков избор на користено возило е Ford C-Max?
