На Аутодромо Национале ди Монца во неделата се возеше 88-та трка за Големата награда на италија, по сто години од отворањето.
Во изминатиов Ф1-тркачки викенд, во Монца беше откриена табла којашто потсетува на победата на Fiat на првата трка за Голема награда што се возеше на патеката. На 10-ти септември 1922 година, Пиетро Бордино победи возејќи Fiat 804 и го освои првото Гран При на тркачката патека. По овој повод и Италијанската Пошта издаде јубилејна марка.
Аутодромо Национале ди Монца, оддалечена 20 километри од центарот на Милано е трета најстара тркачка патека во светот што е во редовна употреба. Монца е воедно и најстара тркачка патека во Европа, на којашто уште се одржуваат трки. Викендов патеката беше одредиште за повеќе од 300.000 посетители. За публиката беше подготвена богата забавна програма за одбележвуање на големиот роденден на Аутодромо.
Општина Монца организираше низа настани со историски тркачки автомобили и мотоцикли, истите како пред сто години. Средишното место му припадна на Fiat 804. Со овој модел, Пиетро Бордино победи на првата Голема награда на Италија, што се возеше на 10-ти септември 1922 година во Монца.
The 1922 Italian Automobile Grand Prix takes place on the Monza Circuit. It is won by Italian driver Pietro Bordino in a Fiat 804. pic.twitter.com/K5tHnfrUMZ
— 1925 Live (@100YearsAgoLive) September 10, 2022
Тркачкиот автомобил Fiat 804 располагал со линиски шестцилиндарец. Со зафатнина ограничена на два литри според тогашниот правилник, моторот постигнувал моќност од 95 КС. Со четиристепен менувач, моторот постигнувал највисока брзина од 170 km/h, што било сензационална брзина во тоа време. Со сите работни течности, Fiat 804 тежел само 650 килограми.
Јубилејната поштенска марка
Кога фабричкиот тим на Fiat стартувал на трката за Големата нааграда на Италија во 1922 година, моторот веќе постигнувал 112 КС. Тоа било многу повеќе од конкуренцијата. Пиетро Бодрино победил на трката во должина од 800 километри по близу шест часови возење, пред неговиот тимски колега Феличе Назаро.
Sept. 10, 1922: The Italian Grand Prix of auto racing being run at the brand-new speedway in Monza, outside Milan. Pietro Bordino, racing a Fiat (last photo), is the winner. pic.twitter.com/Xrk3oZGnKo
— 100YearsAgoNews (@100YearsAgoNews) September 10, 2022
