Дарко Јаконов
Просторот се нарекува Heritage Hub и со името ниту оддалеку не навестува дека станува збор за една од најважните изложби на автомобили. Нормално дека Италијанците не го гледаат Heritage Hub како автомобилски музеј, затоа што овој спектакл и реално е над тоа што сцената досега го познава како музеј за автомобили.
Во фабричкиот комплекс Мирафиори во Торино е сместен Heritage Hub, изложба што е осмислена со намера да ја раскаже приказната за трите големи автомобилски марки од градот: Fiat, Lancia и Abarth. Оваа единствена изложба е отворена за публика и претставува можност преку повеќе од 250 историски автомобили од трите марки да се почувстува духот на времето кога тие автомобили излегувале нови од фабрика. Има и неколку важни стари модели на Alfa Romeo, Autobianchi и Jeep.
За овој историски момент на трите торински марки да стане реалност, се погрижија одделението за историски возила на Stellantis, Општина Торино и Нациионалниот музеј на автомобили (Museo Nazionale dell’Automobile). Во халата се пристапува преку Порта 31 во индустрискиот комплекс Мирафиори, лоциран на Виа Плава 80, Торино.
Секој ден ќе се организираат по две тури со водич, една наутро, другата попладне, во траење од по два часа. Халата е отворена во среда, петок и сабота.
Оваа хала, поранешна Офичина 81 во Мирафиори, пред повеќе од 30 години била место на коешто доаѓале на работа вработените во Fiat. Тука главно се изработувале механички компоненти, односно менувачи. Просторот денес е темелно реновиран, со задржување на оригиналниот изглед. Освен „изложбената“ хала, просторот опфаќа и канцеларии на историското одделение на Stellantis.
Средишното место им припаѓа на 64 историски автомобили, коишто се поделени на осум тематски подрачја:
- Records and Races
- Concepts and Fuoriserie – мошне ретки возила и уникати
- Archistars – возила што вовеле револуција во автомобилската архитектура
- Eco and Sustainable
- Small and Safe
- Style Marks
- Epic Journeys
- The Rally Era.
Врска до веб-страницата на Heritage Hub
https://www.fcaheritage.com/en-uk/heritage/places/heritage-hub
