за

Водородна електрана од 1 MW дава струја за фабриката на Ferrari

Ferrari си зеде обврска да постигне СО2-неутралност до 2030 година и прави голем чекор со електраната со моќност од 1 мегават, што меѓу другото работи и на водород, снабдувајќи го Маранело со чиста струја.

Електраната е изградена од Bloom Energy и пуштена е во работа пред неколку денови. Таа покрива 5% од енергијата што ѝ е потребна на фабриката на Ferrari. Многу повеќе значи тоа што се смалува потрошувачката на горива, а со тоа и емисијата.

Во споредба со системите што работат на принципот на когенерација, потрошувачката на гас се смалува за 20% и воедно се постигнува значително смалување на потрошувачката на енергија.

Покрај тоа што се одликува со висок степен на ефикасност, иновативната технологија во новата електрана во Маранело нуди широк избор од енергетски извори, што се потребни за погон на електраната. Може да се користи водород, но и природен гас, биометан или комбинација. Во горивната ќелија, којашто е основа на целиот систем, се врши претворање на горивото во електрична енергија, без согорување на истото.

Уште една предност, во споредба со системите со споредлва моќност што беа користени досега, претставува намалувањето за 99% на штетните материи, што водат до создавање смог и ослободување неразградливи честички (PM).

New item by Automedia MK / Google Photos
New item by Automedia MK / Google Photos

Водород како гориво се точи на 685 станици ширум светот

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Милано се буди со звукот на најбрзата Alfa Romeo во 5.30 часот

Бугарија меѓу ЕУ-земјите што бараат одложување на крајот на дизелот