Претседателот Макрон заслужи специјален DS

DS 7 Crossback во посебна изведба со име Elysee се приклучи во возниот парк на францускиот претседател Емануел Макрон. Возилото навистина се приклучи: Кросоверот има приклучен хибриден погон, има и продолжена каросерија за 20 сантиметри.

Изработен во еден и единствен примерок, DS 7 Crossback Elysee го користи како основа DS 7 Crossback E-Tense 4×4 300, но има балистичка заштита, продолжено меѓусокино растојание и специјална опрема.

DS 7 Crossback Elysee се придружува на долгата низа модели DS што биле изработени за францускиот претседател. Од прогласувањето на Петтата Република, седуммина претседатели користеле DS, SM, DS 5 и DS 7 Crossback. При стапувањето на должност во 2017 година, Емануел Макрон замина за Елисејските Полиња во DS 7 Crossback Presidentiel. Новата верзија на DS 7 Crossback располага со приклучен хибриден погон со системска моќност од 300 КС, со погон на сите тркала и каросерија во боја на мастило.

Посебно за Претседателот, DS 7 Crossback Elysee е изработен со меѓуоскино растојание што е за 20 сантиметри подолго од стандардната изведба. Тоа овозможи задниот дел од возилото да се изведе како работна канцеларија. Просторот за колена достига 545 милиметри. Таванот е обложен со алкантара.

Напред на возилото се забележуваат сино/црвени сигнални светла, отстранливи држачи за знаме, грб „RF“ на маската, на предните врати и на задниот поклопец. Тркалата од 20 инчи имаат ексклузивен дизајн. Се забележува и антената за телекомуникацискиот систем. Должината е 4,79 метри, со меѓуоскино растојание продолжено на 2,94 метри.

Возилото официјално беше пуштено во служба на 11-ти ноември, за 103-годишнината од Денот на примирјето, што претставува завршеток на Првата светска војна.

EN DIRECT | 103ème anniversaire de l’Armistice du 11 novembre 1918. https://t.co/Gz73bA0aJC

— Élysée (@Elysee) November 11, 2021

>>> Citroen C3 Aircross ја има вградено авантурата: По стариот пат од Велес за Прилеп