Тоа е придобивка од масивното вложување на кинеските производители во електрични возила. Бавното реагирање на сопственото производство на возила во Јапонија, на големите промени што се случија и уште се случуваат во електромобилноста, направи големите компании со возни паркови во земјата да нарачуваат возила од Кина. DFSK повторно е херој на автомобилскста сцена.
Кинеските производители на електрични возила започнуваат офанзива со камиони и автобуси на јапонскиот пазар. Офанзивата ја предводи DFSK, заедничка компанија на Dongfeng и Sokon, чијшто возила се солидно присутни и во нашето улично секојдневие.
DFSK ќе испорача 5.000 примероци од своите малечки, но способни камиони за јапонскиот холдинг SBS, еден од водечките шпедитери во земјата. Уште 5.000 возила со електричен погон ќе бидат испорачани од страна на BYD, вклучувајќи автобуси што на јапонскиот пазар се нудат со дисконт од 40%. Редовната цена на електричните автобуси на BYD изнесува 40 милиони јени, односно околу 305.000 евра.
Производителите на електрични возила од Кина вешто ја пополнуваат празнината што се создаде во транспортниот сектор во Јапонија, откако компаниите почнаа да вложуваат во електрификација на своите возни паркови, за да излезат во пресрет на заострените стандарди за заштита на животната средина во земјата. Јапонските производители на возила не реагираа доволно брзо на трендот на електромобилноста. Пазарот сепак има огромна потреба од електрични возила. Високата побарувачка ја покрија кинеските компании, кои веќе масовно произведуваат возила со погон на струја, како товарни, така и патнички.
Компактен камион со електричен погон од јапонски производител би чинел двојно повеќе од DFSK
Електричните камиони на DFSK се варијанта на познатата моделска серија C31-C37, од којашто досега на македонскиот пазар се испорачани повеќе од илјада примероци со бензински мотор. Со носивост до 1 тон, овие електрични камиони ќе бидат во служба на шпедитерот SBS. Договорената цена по возило изнесува 3,8 милиони јени (околу 29.000 евра), што значи дека јапонскиот шпедитер ги добива електричните камиони по иста цена со јапонските камиони со обичен погон. На тоа следат уште државните субвенции, така што електричните еднотонски камиони на DFSK на крајот ќе бидат и поевтини отколку домашните камиони.
At 6 pm on Feb. 10, 2022 local time, DFSK’s medium-sized SUV – Glory 580 officially launched in Tunisia, Africa. Chinese Ambassador to Tunisia Mr. Zhang Jianguo was invited to the launch event and delivered congratulations. pic.twitter.com/EEFLsJP5sV
— SERES GROUP (@SokonGroup) February 11, 2022
Досегот што го постигнуваат камионите со полна батерија се движи до 300 километри. Возилата ќе се користат за испорака на пратки до крајниот примач.
Во следните пет години, SBS ќе замени 5.000 јапонски камиони со дизел мотор, со кинески камиони со електричен погон. Според процените на SBS, исти камиони како електричниот DFSK, од домашно производство би чинеле најмалку 10 милиони јени.