Производството на камиони и автобуси од марките Mercedes-Benz, Setra и други марки, од неодамна се одвива во рамките на независна компанија од Daimler AG. Според првиот биланс што го објавува Daimler Truck, лани биле произведени 455.000 камиони и автобуси, за 20% повеќе отколку во 2020 година.
Продажбата на Daimler Truck профитираше од заздравувањето на најважните пазари, особено во првата половина од минатата година. Побарувачката за камионите и автобусите на Daimler остана на високо ниво и во втората половина од годината, но тесното грло во снабдувањето со материјали оневозможи високата побарувачка да резултира со соодветно зголемување на продажбата. Најмногу беше погоден сегментот на тешките товарни возила во САД и во Европа.
Daimler Truck од неодамна дејствува како независна компанија од Daimler AG со неговите автомобилски марки Mercedes-Benz, Mercedes-AMG, Mercedes-EQ, Mercedes-Maybach, Smart, Mercedes-Benz Vans. Продажните бројки на Daimler Truck се водат посебно по сегменти: Mercedes-Benz, Trucks North America (Freightliner, Western Star, Thomas Built Buses), Trucks Asia (FUSO, BharatBenz) и автобуси (Mercedes-Benz Bus & Setra).
Продажба по 1.000 примероци |
Во 2020 |
Во 2021 |
Промена |
| Mercedes-Benz | 118 | 141 | + 20% |
| Trucks North America | 139 | 162 | + 17% |
| Trucks Asia | 110 | 143 | + 30% |
| Buses | 19 | 19 | + 0% |
| Елиминација* | -8 | -10 | |
| Концерн вкупно | 378 | 455 | + 20% |
- Пречистување на продажба на ниво на концерн, поради интерни трансакции меѓу сегментите
Daimler Truck на 24-ти март ќе ги објави деталните финансиски и нефинансиски параметри на ниво на концерн и по сегменти. Притоа ќе биде објавена и прогнозата за тековната деловна година.
>>> Mercedes-Benz Actros вози 25 години
