Cupra, новата спортска марка на Seat, започнува со нарачки за Cupra Ateca со 300 КС. Испораките на првиот модел од марката ќе стартуваат во декември. Цената во Германија е 42.850 евра
Првиот модел на Cupra, порано ознака за спортските топ-модели на шпанската марка, а сега подмарка на Seat, ќе почне да ги вози своите сопственици во декември. Цената на Cupra Ateca со дволитарски TSI и седумстепен менувач со двојна спојка, со 300 КС и вртежен момент од 400 Nm, изнесува 42.850 евра на германскиот пазар. Спринтот на спортскиот СУВ со стандарден погон на сите тркала трае 5,2 секунди, крајната брзина изнесува 247 km/h.
Во стандардната опрема на Cupra Ateca спаѓаат виртуелен кокпит со дисплеј од 10,25 инчи. Купувачите имаат можност да доплатат за спортски сопирачки од Brembo и бандажи од 19 инчи во боја на бакар. За каросеријата стојат на располагање шест бои. Нарачките за моделот ги примаат овластените дилери на Seat. Во меѓувреме постојат повеќе од 100 дилери, коишто се специјализирани за новата спортска марка на Seat и на концернот Volkswagen.
Спортската изведба FR ја заокружува гамата на Seat Ateca