Дарко Јаконов
На BMW дефинитивно не му недостигаат идеи како да ја унапреди електромобилноста на следното ниво. Новата иницијатива се води како BMW Points и тоа е прва програма од ваков вид во светот, со којашто се наградуваат возачките и возачите на модели на BMW со приклучен хибриден погон.
Со секој извозен километар чисто со енергијата во батеријата, возачите на BMW ќе освојуваат бодови, кои по постигнувањето на предевидениот фонд ќе може понатаму да се искористат за бесплатно да се наполни батеријата. Тоа е прва наградна програма од ваков вид и се води како BMW Points.
Идејата е сопствениците на модели со приклучен хибриден погон да се наведат почесто да ги приклучуваат своите возила на полнач. Во повеќето држави во Европа, возила со овој вид погон се ценат како параван за добивање субвенции при купувањето на возилото. Голем дел од возачите потоа не ги користат полначите.
Тоа не е во согласност со идејата на властите да ја поттикнат електромобилноста и да ги ублажат последиците од сообраќајот врз климатските промени. Групацијата BMW се надоврзува на оваа идеја и преку BMW Points ги инспирира возачките и возачите сепак да ја искористат можноста, своето возило со приклучен хибриден погон да го возат чисто на струја.
Постојат и посебно одредени подрачја, во коишто се добиваат двојно повеќе бодови при возење на струја. На овој начин собраните бодови, потоа може да се искористат за бесплатно да се наполни батеријата на полначите што се опфатени во мрежата на BMW Charging.
Новата дигитална услуга стои на располагање во Германија, во Холандија и во Белгија, а уште во текот на годинава таа ќе биде овозможена во уште неколку држави. Бодовите се регистрираат преку мобилната аплиакција My BMW App. Со собирање 1.250 BMW Points се добива ваучер за 10 евра, за 3.000 боови следат 25 евра, додека за 5.800 бодови може бесплатно да се наполни енергија за којашто инаку би требало да се плати 50 евра.
Услугата може да се користи во сите актуелни модели со приклучен хибриден погон, односно за сериите 3, 5 и 7, како и за BMW X5 xDrive45e.
Модели на BMW со електричен или приклучен хибриден погон
BMW iNEXT (2021)*
BMW i3*
BMW i3s*
BMW i4 (2021)*
BMW i8 Coupé (повеќе не се произведува)
BMW i8 Roadster (повеќе не се произведува)
BMW iX3*
BMW 225xe
BMW 330e
BMW 530e
BMW 545e
BMW 745e
X1 xDrive25e
X2 xDrive25e
X3 xDrive30e
X5 xDrive45e
(* модели со електричен погон)
Електрично Mini пишува автомобилска историја во Македонија (1. дел)
