за

BMW си откупува назад акции вредни 2 милијарди евра

Акционерското друштво BMW ќе си откупи назад акции во вредност до 2 милијарди евра, во периодот меѓу јули 2022 и декември 2023 година. Тоа покажува дека бизнисот во баварската компанија врви одлично.

BMW AG, што e кратенка за Bayerische Motoren Werke Aktiengesellschaft, односно во превод Акционерско Друштво Баварска Фабрика за Мотори, ќе купи акции од своите акционери во вредност до 2 милијарди евра.

Програмата за купување на акциите има првенствена цел да се вратат акциите и да се намали основниот капитал. На главното собрание одржано во мај годинава, акционерите го одобриле купувањето назад на акции во обем од 10% од основниот капитал, во период од пет години. Првата програма што произлегува од ова одобрување ќе стартува веќе во јули и ќе заврши најдоцна на 31-ви декември 2023 година.

Николас Петер, финансов директор на BMW AG: „Откупот на акциите претставува доказ за нашата континуирано висока финансиска моќ и за силната ликвидност. Благодарение на нашата оперативна сила и по целосно консолирирање на нашата кинеска компанија ќерка BMW Brilliance Automotive Ltd. очекуваме да ја задржиме нашата силна ликвидност.“

Директорот на баварскиот производител понатаму наведува дека од откупот на акциите ќе профитираат сите акционери, исто како и вработените. Освен од политиката на дивиденди, акционерите ќе заработуваат и од програмата за откуп на акциите, со којашто ќе се зголеми висината на оперативниот резултат по акција.

„Со овој инструмент им нудиме вредност на нашите акционери и испраќаме сигнал за нашата долготрајна моќ на пазарот на капитал“, објаснува Петер.

BMW гради најсовремена фабрика за автомобили во Унгарија

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Големо наддавање за последниот часовник во Тото Волф-серијата на Шафхаузен

Kia Forte четврта година победува со квалитетот според JD Power