за

BMW гради најсовремена фабрика за автомобили во Унгарија

Од 2025 година, во унгарски Дебрецин ќе се произведува „Новата Класа“ на BMW, целосно електрична. Тоа ќе биде и првата автофабрика со нула емисија на СО2 во светот

Групацијата BMW постави камен темелник за новата фабрика во Дебрецин. Германската компанија вложува повеќе од една милијарда евра во фабриката во близина на вториот најголем град во Унгарија. Таму ќе се произведува револуционерна генерација електрични автомобили, што BMW веќе подолго време ја најавува како „Neue Klasse“, односно нова класа.

Идната фабрика на BMW во Унгарија ќе има клучна улога во преоѓањето во ерата на  електромобилноста. Голем дел од продукцијата на електрични возила на баварската марка ќе потекнува токму од новата фабрика во Дебрецин, поранешен главен град на Унгарија.

Унгарскиот министер за надворешни работи и трговија, Петер Шијарто, говори за значењето на изборот на BMW, фабриката да се гради во земјата: „Преку напорна работа во минатите години, успеавме од Унгарија да создадеме најконкурентна средина за инвестиции во Европа, којашто се заснова врз политичка стабилност, одлична унгарска работна сила и најниски даноци за работа во Европа.“

Градоначалникот др. Ласло Пап, исто така го препознава огромното значење на фабриката на BMW: „Новата фабрика на BMW во Дебрецин ќе даде ново толкување на поимот производство на автомобили. Во исто време, Дебрецин и источниот регион на Унгарија ќе го дефинираме од ново, преку настанувањето на BMW Group.

New item by Automedia MK / Google Photos

Фабриката на површина од преку 400 хектари на северозапад од Дебрецин ќе содржи погон за пресување, кароериско одделение, лакирница и монтажа. Годишниот капацитет е 150.000 возила. Во Унгарија ќе се произведува моделот што ќе ја постави основата за „Новата класа“ и сите следни модели ќе ја користат неговата т.н. кластер-архитектура.

Емисијата на СО2 по произведено возило ќе изнесува нула“, најавува директорот за производство во BMW, Милан Недељковиќ. Во фабриката нема да се користи енергија од енергенси од фосилно потекло. Енергијата целосно ќе потекнува од обновливи извори. Тоа ќе биде прва автомобилска фабрика во светот, што ќе произведува без СО2.

Најголемиот дел од енергијата ќе потекнува од фотоволтаичките системи во состав на фабриката. Моментно се истражува и можност за користење геотермална енергија. Во лакирањето нема да се користат бренери за сушење на каросеријата, туку ќе се применува технологија исклучиво врз база на електрична енергија.

Вест од 2019 година:

Унгарија и Чешка со тужби поради загадениот воздух од увозот на стари дизели

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Џампер, Боксер и Дукато ќе добијат братче од Toyota

Škoda сама си составува кабли во Чешка