за

Џо Бајден е голем љубител на брзи автомобили

Електромобилноста често се спомнуваше во претседателската кампања на Бајден. Нема да остане само на тоа, демократот е голем автомобилски фан.

Џо Бајден е голем љубител на брзи автомобили

Уште се чека последниот збор на судовите, но големи се изгледите дека Џо Бајден е победник на изборите. Како Претседател, тој ќе биде ускратен за задоволството сам да управува автомобил, исто како при неговата служба како заменик на Барак Обама.

Големата пасија за автомобили на Бајден потекнува уште од детските денови. Неговиот татко долги години директорувал со најголемото дилерство за Chevrolet во американската сојузна држава Делавер. Така Бајден дошол и до неговиот Corvette. Татко му, неколку денови пред венчавката на синот во август 1967 година, го замолил да ги донесе Pontiac Tempest од 1965 година на својата идна сопруга и сопствениот Chevy од 1963 година во сервисот, за возилата да се разубават за славењето.

Кога Бајден со идната сопруга по четири денови се вратиле да ги преземат своите возила, имало големо изненадување. Како свадбен подарок, тие добиле Corvette Stingray Convertible, со 5,4-литарски V8 со 300 КС и четиристепен мануелен менувач.

Бајден и денес го поседува кабриолетот. Во 2016 година тој гостуваше во„Jay Leno’s Garage“ и не пропушти пред камерите да остави две дебели траги на асфалтот. Тогаш, идниот претседател на САД додаде: „ Сакам да возам автомобил. Можеби не треба да го спомнам тоа, но сакам брзина.“ Автомобилот е во совршена состојба, откако синовите Бју и Хантер нарачаа комплетен ремонт на моторот.

Во интервју за американскиот магазин „Car and Driver“ во 2011 година, Бајден наведе уште неколку автомобили, меѓу нив Studebaker од 1951 година или црвен кабриолет Plymouth од 1952 година. Демократот поседувал и користен Mercedes-Benz 190 SL, „чијшто карбуратори Solex никогаш не функционираа“.

Откако еднаш се возел во Cadillac CTS-V на братот, Бајден бил решен и самиот да купи Cadillac, откако повторно ќе смее да вози сам. Така и се случило, веднаш по завршувањето на мандатот, тој купил ATS-V.

Но, какви планови има Бајден за автомобилската индустрија? Тој ќе се залага за подобрување на ситуацијата со електричните автомобили во земјата. Мрежата од полначи е мошне скромна, а пазарниот удел на електричните автомобили, со исклучок на Калифорнија, исклулително е мал. Планот на Бајден е да се постават половина милион полначи за електрични автомобили ширум САД.

>>> Изборот на Претседател на САД е важен и за автоиндустријата

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Во новите модели на Kia и Hyundai ќе забавува техника од Nvidia

Во новите модели на Kia и Hyundai ќе забавува техника од Nvidia

BMW лани во Кина продал 174.000 примероци од Серијата 5

Кинескиот автомобилски пазар продолжува да расте