Најголемиот автомобилски пазар во светот заздравува со огромна брзина по првичниот удар од корона-кризата. Во октомври во земјата биле продадени 2,02 милиони патнички автомобили, СУВ-модели и семејни ванови.
За осум проценти се зголемила продажбата на автомобили во минатиот месец во Кина, најголемиот автомобилски пазар во светот. Со тоа се потврди и растечкиот тренд во продажбата, кој трае веќе четири месеци во низа.
Кина очигледно не се предава под корона-пандемијата. Владата се залага за силно зголемување на потрошувачката. Како резултат од тоа напредува економијата во Народната Република, а дополнително зајакнува и светската трговија. Кина е најголем единечен пазар за најголемите автомобилски концерни, меѓу нив Volkswagen (со силно присуство на Audi и Porsche), Daimler и BMW.
Друга статистика, што ги вклучува и тешките товарни возила, покажува дека продажбата на сите производители на возила во Кина во октомври се зголемила за 11,4 проценти во споредба со истиот месец лани.
>>> Mercedes со премиум шоферски превоз во три кинески мегалополиси
