за

Рекордна продажба на електричниот Audi e-tron во САД

Во првите три месеци од годината, Audi испорачал 4.324 примероци од двете изведби на електричниот СУВ-модел Audi e-tron.

Рекорден број на продадени примероци од електричниот СУВ-модел на Audi во САД. Во периодот од јануари до март, на големиот американски пазар се испорачани 3.474 примероци од Audi e-tron и уште 850 примероци од неговата купе-изведба e-tron Sportback. Годинава ќе следат уште најмалку три новитети со погон на струја.

Близу десет проценти од продажбата на Audi во земјата на големите мотори V8 и на масивните СУВ-модели во првото тромесечје од 2021 година ја сочинуваат автомобили што возат чисто на струја. Германската марка меѓу јануари и март испорачала 54.840 автомобили во САД. Тоа е за точно една третина повеќе од истиот период лани, кога почнуваше пандемијата.

Во оваа продажба, двата чисто електрични модели на Audi учествуваат со нешто помалку од 8 проценти. Од Audi e-tron и од купе-изведбата Audi e-tron Sportback се продадени 4.324 примероци. Првиот ја зголемил продажбата за дури 103%, додека Sportback уште е нов на пазарот и неговата продажба во следните квартали се очекува да расте уште поубедливо.

Летово во САД започнува и продажбата на новиот Audi e-tron GT, кој ја дели платформата со Porsche Taycan. За десетина денови треба да се одржи и светската премиера на компактните Audi Q4 e-tron и Audi Q4 e-tron Sportback, базирани врз техниката на Volkswagen ID.4, односно врз платформата MEB. Од нив се очекува да дадат уште поголем поттик во продажбата.

Продажба по моделски серии на Audi во САД

Модел

Примероци

A3 1.329
A4 5.071
A5 4.527
A6 3.113
A7 989
A8 441
e-tron 3.474
е-tron Sportback 850
Q3 8.575
Q5 14.731
Q7 7.714
Q8 3.612
R8 148
TT 266
Вкупно AUDI · 54.840 (+33%)

>>> Уште еден електричен Audi: Фабриката во Цвикау почнува со Q4 e-tron

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Креаторите на Peugeot 308 во видео со сите детали за автомобилот

Tesla сама ќе ги „завиткува“ автомобилите на клиентите во Кина

Tesla постигна нов продажен рекорд