за

Tesla оставена осум недели на полнач, сопственикот на одмор

Жителка во предградие на Амстердам има голема мака со Tesla, што цели осум недели е прикачена на електричен полнач пред нејзиниот дом.

Даниеле Смит, жителка на амстердамското предградие Нев Слотен го пријавила случајот со електричната Tesla, што повеќе од месец и пол „полни“ струја пред нејзиниот куќен праг. Вистинското изненадување следело откако од општината одговориле дека сопственикот на електричниот автомобил е заминат на годишен одмор. Властите не гледаат проблем.

Повеќе од осум недели, Tesla е оставена на полнач пред домот на госпоѓа Смит, во мирно предградие на Амстердам. Дури и очигледно е дека електричниот автомобил долго време не е поместен оттука. Околу приклучокот за полнење се гледа пајажина. Даниел Смит, во изјава за холандските медиуми, коментира дека „тоа е навистина бизарна глетка“.

Сопственикот на електричниот автомобил нема за што да се грижи. Во Амстердам не постои временско ограничување за автомобилот да остане приклучен на полнач. Нема трошок ниту за користењето на полначот, затоа што во предградието на Амстердам, тоа е бесплатно. Од Општината, на медиумите што масовно се заинтересираа за ова случка, наведуваат дека не е проблем тоа што автомобилот е оставен да мирува на полнач долго време. „Имаме богата мрежа од електрични полначи во Амстердам.“

Госпоѓа Смит не може да се начуди: „Ако паркираш на тротоарот, ќе бидеш казнет со плаќање 150 евра, но затоа можеш спокојно да го оставиш автомобилот на полнач“. Ситуацијата е сосем различна во останатите населби на холандскиот град Амстердам. Судот неодамна изрекол казна во висина од 95 евра, за сопственик на електричен автомобил, што го оставил возилото на полнач во населбата Арнхем, иако батеријата била наполнета уште два часа пред да биде пријавен случајот.

Од Општината изјавиле дека ќе контактираат со сопственикот на возилото пред домот на Даниеле, по неговото враќање од одмор.

Домашен најверен пример за тоа колку македонските возачки и возачи внимаваат да не зафаќаат место пред електричен полнач. Примерот е од Кочани, двете места беа зафатени, Mini мораше да го качиме на тротоар

Во Гевгелија моравме да чекаме два часа покрај Mini, затоа што имавме паркирано на место резервирано за инвалиди

Во Гевгелија, сепак имаше оставено едно место слободно, веројатно од почит кон грчките туристи

Струмица шампион!

Делчево градиште!

Куманово не смее да не биде слободно

Mini ја вози првата електрична тура низ Македонија (Дел 1)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Кинескиот пазар се стеснува за странските електрични автомобили

Opel Rocks-e доаѓа да гаси прв во случај на пожар во фабриката