за

Ф1-болидите на Alfa Romeo го прославуваат доаѓањето на Tonale

На трката за големата награда на Азербејџан, болидот C42 ќе биде лакиран во специјална шема, во знак на појавувањето на Alfa Romeo Tonale во салоните на марката ширум Европа.

Болидите на Alfa Romeo Orlen на претстојната трка во Азербејџан ќе стартуваат со поклопец на моторот лакиран во зелена боја, со графика што потсеќа на шемата на предните светла на Tonale. Тоа е поздрав од мотоспортот, што италијанската марка го негува уште од 1911 година, во чест на салонскиот старт на новиот СУВ-модел Tonale.

Кога болидите на Alfa Romeo Orlen викендов ќе стартуваат на тркачката патека во Азербејџан, во салоните на италијанската марка премиерно ќе биде изложен новиот Tonale. Поврзаноста на двата настани ќе биде видлива за целиот свет преку болидите C42, чијшто поклопец на моторот ќе биде лакиран во светло зелена боја, и во комбинација со стандардните црвена и бела боја ќе го формира „триколорот“.

Шемата на лакирање на C42 за Азербејџан е дизајнирана во Centro Stile Alfa Romeo, со цел да се поздрави салонската премиера на новиот Tonale. Компактниот СУВ-модел има и дополнителна мисија за марката, затоа што користи благ хибриден погон, со 48-волтен стартер-генератор.

Зелената боја во којашто ќе биде лакиран C42 и Блу Мизано, се двете заштитни бои со коишто новиот модел премиерно се појавува пред светот. Познавачите на марката ќе се сетат дека тоа е нијансата на зелена боја што ја имаше легендарното купе од 1970-те години, Alfa Romeo Montreal.

New item by Automedia MK / Google Photos

Препознатливата шема на светлата на Tonale исто така се повикува на историјата на марката. Графиката потсеќа на 3+3 концептот на SZ Zagato и на концептот Proteo.

New item by Automedia MK / Google Photos
Alfa Romeo Montreal
Alfa Romeo Montreal

Повеќе од 15.000 запознавања со новата Alfa Romeo Tonale

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Новата Honda Civic е точно погодена за неделата на дизајнот во Милано

Lightyear: Електричниот автомобил што се полни од сонцето е пред почеток на производство