Средишното место во освежениот салон на Тојота и Лексус го зафаќа простор што потсеќа на кафуле, каде што клиентите можат да се запознаат со понудата од модели, со можностите за финансирање, конфигурирање на возилото, и секако, уште еден суштински дел од работењето на Тојота Авто Центар, замената на старото возило со ново.
Изгледот и стиловите на автомобилите се менуваат од генерација во генерација, под влијание на широк спектар од фактори. Денес се главни дигитализацијата и услугата, светот ги гледа и ги запознава автомобилите на друштвените мрежи уште долго пред тие да ја доживеат својата светска премиера на големите салони на автомобили и пред конечно да пристигнат во локалните салони.
Сите тие промени на автомобилската сцена доведоа и до соодветно менување на начинот на којшто марките ги пречекуваат и убедуваат своите клиенти, во салоните за автомобили. Затоа, кога денес ќе се влезе во новиот салон на Тојота, целиот средишен простор во салонот е резервиран за луѓето, за клиентите и за персоналот на марката.
Целата понуда од модели е присутна во салонот, меѓутоа не толку нападно како во класичен салон. Новините доаѓаат постојано, па така во посебен дел од салонот може да се погледне и открие новиот Лексус Л Б Икс, којшто како основа ја користи бестселерската Тојота, СУВ-изведбата Јарис Крос, меѓутоа додава премиум карактер. Тој е воедно и еден од моделите што најмногу придонесоа за растот во сегментот на малечки премиум автомобили.
Важен дел од настапот на Тојота пред македонските возачки и возачи секако е посредувањето со користени возила, што е со долга традиција во Тојота Авто Центар. Логиката не е новина, човек што е дојден по нов автомобил, треба добро и едноставен да го продаде својот стар автомобил.
Сервисирањето е „мал дел“ од марката, но функционира – мал дел во смисла на издржливоста што отсекогаш ги прати Тојотите. Во освежувањето на салонот секако дека е опфатен и тој клучен простор, во којшто корисниците на Тојота се чувствуваат како дома, додека чекаат возилото да се сервисира.
