Суперспортските модели 296 Спечиале и 296 Спечиале А (буквата А е за аперта, италијански збор за отворено), првпат се појавија пред светот на 29-ти април, на голема свеченост во Италија.
Во споредба со стандардниот 296 ГТГ, којшто влезе во продажба во 2022 година, новата изведба 296 Спечиале е полесна 60 килограми и хибридната погонска спрега располага со дополнителни 50 КС, за да испорача системски 880 КС.
Потисокот од воздушните струи при возење со брзина од 250 километри на час е зголемен 20 проценти и изнесува 435 килограми. Продукцијата што беше планирана за стандардниот модел 296 ГТБ е распродадена.
Крајната брзина изнесува над 330 километри на час, а спринтот до темпо сто трае 2,8 секунди.
Новата изведба на 296 со засилени перформанси „не е автомобил за секој купувач“ и наменета е првенствено за постоечките клиенти на Ферари, порача Енрико Галиера, директор за комерција и маркетинг во Маранело.
Цената на 296 Спечиале без опции е 407.000 евра во Италија, вклучувајќи 22 проценти ДДВ. Спајдерот Спечиале А почнува од 462.000 евра. Стандардниот модел 296 ГТБ при почетокот на продажбата беше понуден за 269.000 евра.
Првите примероци од 296 Спечиале за Европа ќе бидат испорачани во првото тромесечје во 2026 година. Спајдерот 296 Спечиале А ќе стартува три месеци подоцна.
Галиера соопшти дека не е одредено ограничување за бројот на примероци
во којшто ќе се произведе Спечиале. Се очекува продукцијата да биде слична како за претходните специјални моделски серии, а тоа значи помалку од 1.000 примероци.
Купето и родстерот од серијата 296 ја почитуваат неодамна започнатата традиција на Ферари, да се изработуваат специјални серии со врвни перформанси од своите двоседи со средишно вграден мотор. Првиот модел беше Челинџ Страдале, изведба на 360 Модена што беше понудена во 2003 година. По неа следеше 430 Скудерија во 2007 година, па 458 Спечиале во 2013 година и последно, 488 Писта во 2018 година. Со овие верзии, Ферари го продолжи пазарниот век на своите модели и воедно понуди верзии што ги продава поскапо.
Последната специјална серија на двоседите, 488 Писта и 488 Писта Спајдер, со осумцилиндарски мотор, во периодот од 2018 до 2020 година се продаде во околу 1.000 примероци.
Тркачката изведба 296 Спечиале ќе се натпреварува со Мекларен Артура, којшто има слична погонска конфигурација. Британскиот болид користи 3,0-литарски мотор Ве-6, во комбинација со електромотор. Уште еден конкурент, што стартуваше неодамна, е Ламборгини Темерарио, каде што работи 4,0-литарски мотор Ве-8 заедно со три електромотори.
Тежината е смалена со користење карбон и титаниумски легури
Зафатите за скусување на тежината вклучуваат каросериски панели од карбонски влакна и делови за моторот што се изработени од титаниумски легури. Моќноста на моторот Ве-6 е зголемена за 37 КС, на точно 700 КС, што е постигнато со зголемување на притисокот во коморите за согорување. Моторот исто така е олеснет за 9 килограми, а подобрено е и ладењето на моторот.
Електромоторот може кусо време да испорача врвна моќност, во начин на работа што е предвиден за „квалификации за трка“. Во тој случај, е-моторот испорачува 180 КС. Зголемената моќност во овој режим се постигнува преку засилено ладење на електромоторот.
[the_ad id=”85764″]
Како резултат од сите зафати, тежинскиот сооднос е донесен на 1,6 килограм на КС. Тоа е рекордна вредност за купе на Ферари со погон само на задната оска. Освен што на тој начин се зголемува крајната брзина, се подобрува и управливоста.
Меѓу зафатите во аеродинамичноста се главни новите странични сполјери, конструирани по пример од мотоспортот. Заоблените спојлери што се поставени на краевите, служат за две намени: Вертикалната перка го смалува отпорот на воздух, додека профилот на хоризонталната половина има задача да произведува потисок.
Главната мајсторија напред е примената на концептот на аеро-продушувач, по пример на 296 Челинџ, каде што дел од воздушното струење под возилото се насочува кон горната површина на каросеријата. На тој начин се зголемува максималната потисна сила и се подобрува делотворноста на вортекс-генераторите што го прилепуваат возилото за асфалтот, соопштува Ферари.
Целосниот список технички податоци за Ферари 296 Спечиале
(преземено од материјалите на Ферари на англиски јазик)
INTERNAL COMBUSTION ENGINE
Type V6 – 120° – twin turbo – dry sump
Total displacement 2992 cc
Bore and stroke 88 mm × 82 mm
Maximum power** 515 kW (700 cv) at 8000 rpm
Maximum torque 755 Nm at 6000 rpm
Maximum engine speed 8500 rpm
Compression ratio 9.4:1
Specific power output 234 cv/l
HYBRID SYSTEM
Max. power output hybrid system** 648 kW (880 cv)
Maximum power in eDrive mode 113 kW (154 cv)
Battery capacity 7.45 kWh
Max. electric range 25 km
WEIGHTS AND DIMENSIONS
Length 4625 mm
Width 1968 mm
Height (in kerb weight conditions) 1181 mm
Wheelbase 2600 mm
Front track 1665 mm
Rear track 1632 mm
Dry weight* 1410 kg
Dry weight/power ratio 1.60 kg/cv
Weight distribution 40% front / 60% rear
Fuel tank capacity 65 l (10 l reserve)
Luggage compartment capacity 169 l
Rear bench capacity 112 l
TYRES AND WHEELS
Front 245/35 ZR 20 J9.0
Rear 305/35 ZR 20 J11.0
BRAKES
Front CCM, 398 x 223 x 38 mm
Rear CCM, 360 x 233 x 32 mm
TRANSMISSION AND GEARBOX
8-speed dual clutch F1 DCT
ELECTRONIC CONTROL SYSTEMS
SSC 9.0, TC, eDiff, SCM, FDE2.0, EPS, ABS Evo/EBD all range-all grip with extra boost energy recovery
PERFORMANCE
Maximum speed >330 km/h
0–100 km/h 2.8 s
0–200 km/h 7.0 s
200-0 km/h 106 m
Fiorano lap time 1’ 19”
FUEL CONSUMPTION AND CO2 EMISSIONS****
Under homologation
* With optional content
** With 98 RON fuel
*** With eManettino in ‘Qualify’ mode
**** WLTP cycle
