Вкупно 1,35 милион нови автомобили со знакот на Фиат се продадени ширум светот лани. Со раст од 12 проценти, италијанската марка и лани беше најголема марка на концернот Стелантис.
На четири пазари ширум светот, Фиат буквално е домашна марка и тоа секако дека се потврдува и во продажбата. Фиат држи 12,8 проценти од италијанскиот автомобилски пазар, во Бразил му припаѓаат 21,8 проценти, на турскиот пазар 15,7 проценти од новите автомобили лани се Фиат, а во Алжир марката одвај дека остава простор за конкуренција, со удел од дури 78,6 проценти на пазарот. Во сите овие земји се произведува Фиат.
Фиат Страда е најпродаван автомобил во 2023 година во Бразил, Панда во Италија, Типо во Турција и во Алжир.
Оливие Франсоа, извршен директор на Фиат и шеф за маркетинг на Стелантис, изјави по потрдувањето на титулата: „Во текот на минатата година пораснавме глобално, ја зацврстивме својата позиција како глобален играч и трета година во низа, Фиат се докажа како број 1 марка на Стелантис, во продажбата, со глобален раст од 12% лани, со што придонесовме за одличните резуилтати на групацијата.“
Во 2023 година пристигнаа два новитети, Фиат 600, кој е своевиден наследник на Пунто, но сега како градски СУВ-модел, во најпродаваниот сегмент во Европа, а стартуваше и електричното Тополино.
Електричниот 500е е најпродаван Фиат, и прв е во својот сегмент во Италија, Германија, Шпанија, Белгија и Австрија, односно е на второ место во Франција.
Во сегментот на градските автомобили, Торино продаде преку 230.000 примероци од Фиат 500 – не вклучувајќи го електирчниот 500е – и од Панда, постигнувајќи уделна марката од 44,4 проценти.
Во делот на доставните возила, Фиат Професионал Дукато е најпродаван модел на Стелантис, односно е седми по продажба во општа конкуренција во овој пазарен сегмент.
Во Италија беа продадени 175.000 возила, со што беше постигнат удел од 11,1 проценти. Во татковината на марката најпродавана е Панда Хибрид, што се произведува во Помиљиано – веќе 12-та година во низа.
Секако дека и насловот на најпродаван батериски електричен модел во Италија припаѓа на Фиат и на 500е. Пријатно изненадување е тоа што 500 Икс, од фабриката во Мелфи, напредуваше за 25 проценти во споредба со ’22.
Италијанската марка напредуваше одлично и во Франција, каде што се продадоа близу 60.000 примероци од Фиат 500 и Абарт, вклучувајќи дури 24.000 електрични Фиат 500е.
Повеќе од половина милион возила во Јужна Америка
Фиат е лидер во Јужна Америка, со пазарен удел од 14,5 проценти и преку 542.000 продадени возила, за 45.300 повеќе отколку преклани.
Со повеќе од 140.200 возила и удел од 22,6 проценти, Фиат во Бразил е лидер на пазарот на комбилимузини, прв е меѓу пикапите (172.000 возила и 42,6% удел) и доставни возила (26.250 возила и 44,5% удел).
Фиат Страда трета година во низа е најпродаван модел, со 120.600 возила и 5,5% удел. Во сегментот на СУВ возила, Фиат Пулс и Фастбек постигнаа 86.200 продажби, со раст од 43%.
Во Аргентина, Фиат Кронос е лидер уште од 2021 година и владее со сегментот на Б-лимузини со удел од 71,3%.
Марката традиционално се држи одлично во Турција. Пет години во низа, Фиат е најпродавана марка, со удел од 15,7 проценти. Егеа е најпродаван модел во Турција веќе осма година во низа.
