Фиат 500 го престигна Голф како најпродаван модел во Германија

Домашниот Голф мораше да му го остапи првото место во продажбата во октомври на Фиат 500. Италијанскиот евергрин модел што е достапен и во целосно електрична изведба и како благ хибрид, во минатиот месец постигна 5.401 нови регистрации. Голф заостанува со повеќе од 300 возила.

Феноменот на малечките автомобили со големо име се повтори и на германскиот пазар. Во време кога економијата забавува, растат камати, расте и неизвесноста и се внимава во што се вложуваат и се трошат парите, Фиат 500 стана најпродаван автомобил на најголемиот и најважен пазар во Европа, во Германија.

Со новорегистрирани 5.401 возила во октомври, Чинквеченто води пред Голф, којшто во истиот месец постигна 5.070 нови регистрации. Не е за занемарување фактот што Фиат 500 е достапен и во целосно електрична изведба. Од батерискиот 500е се продадоа 1.760 примероци. Тоа значи дека од секои три продадени возила од Фиат 500, едно е во електричната изведба.

Фиат 500 се држи одлично на германскиот пазар и во текот на целата година. Со октомври, во земјата се продадени 39.133 примероци, од кои 17.877 се електрични. Во вкупната продажба во првите десет месеци сепак е во предност Голф со 64.930 возила. Кај него е спротивна ситуацијата со погонот. Една третина од продажбата се дизели.

Секој Фиат 500 е електризиран. Во стандардниот модел работи благ хибриден погон, со стартер-генератор што ги заменува анласерот и алтернаторот. Во комбинација со мала и евтина батерија што е вградена во кабината, благиот хибриден погон постигнува чуда во смалувањето на потрошувачката во град.

Најпродавани 50 модели на германскиот пазар во октомври 2023