Кинескиот производител BYD е убеден дека годинава ќе продаде 3 милиони автомобили и покрај економските предизвици и жестоката ценовна војна, во втората најмоќна економија на планетава. Тоа пред аналитичарите го изјавил основачот и претседател Ванг Чуанфу, на посебно организиран настан.
Најпродаваната кинеска автомобилска марка исто така даде силни сигнали дека дебелиот профит ќе остане и во втората половина од годинава. Тоа уште повеќе ќе ја зајакне компанијата, кажуваат лица што присуствувале на настанот, меѓутоа сакаат да останат анонимни, затоа што станува збор за приватен настан.
Кинескиот производител во понеделникот сооошти дека постигнал зголемување на профитот во вториот квартал од 145 проценти, на 6,8 милијарди јуани, што соодвествува на 934 милиони долари. Прометот исто така пораснал на 140 милијарди јуани, откако во вториот квартал беше продаден рекорден број автомобили.
Ценовната војна на отпочна Tesla, откако во јануари настапи со зналителни попусти и ги стави под притисок останатите производители на електрични возила во Кина.
Конкутентите Xpeng и Nio месецов известија дека загубата во вториот квартал им била повисока од процените.
BYD, сепак, одби да се придружи во ценовната војна, и место тоа продолжи да се потпира на својата широка понуда од модели и на висока противвредност којашто ги привлекува купувачите.
On August 9th, our 5 millionth new energy vehicle rolls off the production line, making us the first automaker globally to achieve this remarkable milestone.
It took 13 years to build our first million new energy vehicles. Eighteen months later, we reached three million NEVs.… pic.twitter.com/vYmBkSQhbX
— BYD (@BYDCompany) August 9, 2023
Производителот на електрични автомобили што ужива поддршка од американскиот магнат Ворен Бафет, до јули продаде 1,5 милион целосно електрични и приклучни хибридни модели. Тоа е точно една половина од очекуваната продажба за годинава.
