Американскиот специјалист за електрични автомобили Tesla им предлага на индиските власти изградба на фабрика за електрични автомобили, што ќе се продаваат во земјата, а ќе бидат наменети и за извоз.
Новиот предлог пристига откако Индија во минатата година го одби барањето на Tesla да ги намали увозните давачки за автомобили. За некои категории возила, царината може да достигне и 100 проценти. Индија бараше американскиот производител да изгради фабрика во земјата и возилата да ги произведува локално, но Tesla прво сакаше да истражи како ќе реагира пазарот со увезените возила. Преговорите завршија без успех.
Tesla не преговара со индиските власти за намалување на увозните давачки, туку предлага изградба на нова фабрика. Локацијата и висината на инвестицијата не се спомнуваат. Тоа го тврдат извори што се упатени во преговорите, но не го откриваат идентитетот поради тоа што истите се од приватна природа.
Локалното производство на автомобили е во согласност со напорите на индискиот премиер Нарендра Моди, да се привлечат компании во рамките на нетовата кампања „Make in India“. Тоа е мошне значајно за бизнисот во светски рамки, бидејќи компаниите бараат нови извори на снабдување, со цел да се намали зависноста од Кина.
#Tesla to set up factory in #India to build electric cars for domestic sale and export.#ElectricVehicles #EV #export https://t.co/Jeyp0ykAcZ
— Business Standard (@bsindia) May 17, 2023
Менаџерите на Tesla неделава престојуваат во Индија, заради одржување средби со владата и преговори за набавка на делови и други потреби во земјата. Од американската компанија не соооштуваат детали за средбите.
Tesla претходно најми локален тим и започна со потрага по изложбени салони, но и тоа прекина во минатата година.
Средбата ѝ претходи неколку недели на најавената посета на Моди на САД во јуни.
